নগাঁও, 15 আগষ্ট : সমগ্ৰ দেশজুৰি উদযাপন কৰা হৈছে 75 সংখ্যক স্বাধীনতা দিৱস ৷ ৰাজ্যৰ বিভিন্ন প্ৰান্তৰ সমান্তৰালকৈ নগাঁও জিলা প্ৰশাসনৰ উদ্যোগত নুৰুল আমিন ষ্টেডিয়ামত উদযাপন কৰা হয় স্বাধীনতা দিৱস ।
পুৱাৰে পৰা অহা প্ৰবল বৰষুণৰ মাজতে নিৰ্দিষ্ট সময়তে ৭৫ সংখ্যক স্বাধীনতা দিৱসৰ পতাকা উত্তোলন কৰে স্বাস্থ্যমন্ত্ৰী কেশৱ মহন্তই । পতাকা উত্তোলন কৰি দিয়া ভাষণত মন্ত্ৰী কেশৱ মহন্তই চৰকাৰৰ উন্নয়নমূলক কামৰ খতিয়ান দাঙি কৰে । সম্পূৰ্ণ ক'ভিড প্ৰট'কল মানি উদযাপন কৰা হয় দেশৰ এই 75 সংখ্যক স্বাধীনতা দিৱস । এই অনুষ্ঠানতে স্বাস্থ্যমন্ত্ৰী কেশৱ মহন্তই ৰাজ্যত ক'ভিড সংক্ৰমণ হ্ৰাস পোৱা বুলিও প্ৰকাশ কৰে ৷
লগতে পঢ়ক: পথৰুঘাটৰ ৰণে ৰিঙিয়াই...
যিহেতু ৰাজ্যত ক’ভিড পৰিস্থিতি হ্ৰাস পাইছে, সেয়ে নতুন SOP অৰ্থাৎ নতুন নীতি-নিৰ্দেশনাৰ সন্দৰ্ভত মুখ্যমন্ত্ৰীয়ে সিদ্ধান্ত ল'ব বুলি মন্তব্য কৰে মন্ত্ৰীগৰাকীয়ে । বিদ্যালয়ৰ পাঠদান আৰম্ভ হোৱা সন্দৰ্ভতো মন্তব্য কৰে কৰে মন্ত্ৰী কেশৱ মহন্তই । ছেপ্তেম্বৰ মাহত বিদ্যালয়ৰ পাঠদান আৰম্ভ কৰাক লৈ বিবেচনা কৰা হৈছে বুলি সংবাদ মাধ্যমৰ আগত সদৰী কৰে স্বাস্থ্যমন্ত্ৰী কেশৱ মহন্তই ৷
লগতে পঢ়ক: স্বাধীনতা দিৱস উপলক্ষে টীয়কত ক’ভিড যোদ্ধাক সম্বৰ্ধনা
