দুপৰীয়া 1 বজাৰ শীৰ্ষ 10 বাতৰি

দুপৰীয়া 1 বজাৰ শীৰ্ষ 10 বাতৰি

গুৱাহাটীত পুনৰ COVID-19ত আক্ৰান্ত চিকিৎসক ৷ আক্ৰান্ত চিকিৎসক গৰাকীৰ নাম বুলেন ফুকন ৷ মহানগৰীৰ আৰ্য হাস্পতালত কৰ্মৰত চিকিৎসক গৰাকীৰ সোমবাৰে কৰ'ণা পৰীক্ষণ পজিটিভ আহে ।

পূৰ্বে সমগ্ৰ বিশ্বৰ ভিতৰতে ৪৬৩ তম স্থানত থকা অসমৰ উচ্চ শিক্ষাৰ প্ৰতিষ্ঠানখনে বহুকেইটা স্থান উন্নীত হৈ ৩৫০ তম স্থান দখল কৰিছে । ইফালে সৰ্ব ভাৰতীয় ৰেংকিঙত আই আই টি গুৱাহাটীয়ে পূৰ্বৰ দশম স্থানৰ পৰা ষষ্ঠ স্থান দখল কৰিবলৈ সক্ষম হৈছে ।

চৰকাৰী নীতি নিয়মৰ মাজেৰে কৃষক মুক্তি সংগ্ৰাম সমিতিৰ কৰ্মকৰ্তাই আন্দোলন কৰাৰ পাছতো অন্যায় ভাবে চাংসাৰি কোৱাৰেন্টাই কেন্দ্ৰলৈ অনাৰ অভিযোগ কৃষক মুক্তি সংগ্ৰাম সমিতিৰ যুটিয়া সাধাৰণ সম্পাদক মুকুট ডেকাৰ ৷

তিতাবৰৰ কাচজান চাহ বাগিচাত মঙলবাৰে পুৱাই পিঞ্জৰাবদ্ধ হয় এটা প্ৰকাণ্ড নাহৰফুটুকী ৷ দীৰ্ঘ দিনে এই নাহৰফুটুকীটোৱে গৰু, ছাগলী নিধন কৰি সন্ত্ৰাস চলাইছিল কাচজান বাগিচাৰ লগতে দাঁতিকাষৰীয়া অঞ্চলত ৷

নগাঁৱত এম্বুলেঞ্চৰ পৰা কৰ'ণা ভাইৰাছ পজিটিভ ৰোগীৰ পলায়নক লৈ সৃষ্টি হৈছে চাঞ্চল্যৰ । নিশা কন্দলী মডেল হাস্পতাললৈ অনা অৱস্থাতে এম্বুলেন্সৰ পৰা পলায়ন কৰিছিল ননৈ কচুপিতৰ আবেদুৰ ৰহমান নামৰ যুৱকজনে ।

বকোৰ আগছিয়াৰ ১৭নং ৰাষ্ট্ৰীয় ঘাইপথত সোমবাৰে নিশা সংঘটিত হয় ভয়ংকৰ পথ দুৰ্ঘটনা ৷ ঘটনাস্থলীতে নিহত হয় বাইক আৰোহী নিখিল ৰাভাৰ (৪০)।

মঙলবাৰে পুৱতি নিশা প্ৰায় ৩.৩০ বজাত দৰং জিলাৰ মঙলদৈত সংঘটিত হয় গুলীয়াগুলি । শাকতোলা দলঙৰ ওচৰত ১৫ নং ৰাষ্ট্ৰীয় ঘাই পথত সন্দেহ জনক ডকাইত আৰু আৰক্ষীৰ মাজত সংঘটিত হয় হয় গুলীয়াগুলিৰ ঘটনা ।

সোমবাৰে নিশা ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত চলোৱা অভিযানত চুৰি হোৱা বাইক সহ দুজন লোকক আটক কৰে ৷ জানিব পৰা মতে উক্ত বাইকখনৰ গৰাকী আছিল ছিপাঝাৰৰ এজন ব্যক্তি ।

কেন্দ্ৰীয় গৃহমন্ত্ৰী অমিত শ্বাহে সোমবাৰে কয় যে, নিয়ন্ত্ৰণ ৰেখাত চাৰ্জিকেল ষ্ট্ৰাইক আৰু উগ্ৰপন্থীৰ আক্ৰমণৰ প্ৰত্যুত্তৰত পাকিস্তানত এয়াৰ ষ্ট্ৰাইক কৰা ঘটনাই প্ৰমাণ কৰে যে, ভাৰতৰ ভূমিত অনাধিকাৰ প্ৰৱেশ কৰাটো ল'ৰা ধেমালি নহয় ৷ যিয়ে এনেকুৱা কৰে, তেওঁ শাস্তি ভোগ কৰিব লাগিব ৷

তেজপুৰ কমাৰচুবুৰীৰ বিশ্বজিৎ বৰা পথ এলেকাক নিয়ন্ত্ৰিত এলেকা হিচাপে ঘোষণা শোণিতপুৰ জিলা প্ৰশাসনৰ । সোমবাৰে নিশা এগৰাকী ব্যক্তিৰ দেহত COVID-19ৰ উপস্থিতি ধৰা পৰা পাচতে ছীল কৰে সমগ্ৰ অঞ্চলটোত ।