গুৱাহাটী,২১জুলাই : শনিবাৰে নিশা গুৱাহাটীৰ ফাঁচী বজাৰৰ টি আৰ ফুকন ৰোডত মেচাৰ্চ গংগা এণ্ড চঞ্চ নামৰ অত্যাৱশ্যকীয় সামগ্ৰীৰ গুদামত সংঘটিত হয় চাঞ্চল্যকৰ ঘটনা । এখন পালছৰ বাইকত অহা তিনিজন চোৰে গুদামটোৰ প্ৰৱেশদ্বাৰৰ তলা ভাঙি লুটপাত কৰাৰ চেষ্টা কৰে । তিনি চোৰে প্ৰথমে আহি ভাঙি দিয়ে গুদামৰ লাইট। তাৰ পাছতেই গুদামৰ ভিতৰত প্ৰৱেশ কৰে যদিও কোনো সামগ্ৰী নিবলৈ সক্ষম নহয় চোৰৰ দলটোৱে ।
মহানগৰীত চোৰৰ তাণ্ডৱ
ইফালে চোৰে লুটপাতৰ চেষ্টা চলোৱাৰ সমগ্ৰ দৃশ্য বন্দী হৈ ৰ'ল চিচি টিভি কেমেৰাত। গুদামৰ মালিকৰ এজাহাৰৰ ভিত্তিত আৰক্ষীয়ে দুৰ্বৃত্তৰ সন্ধানত আৰম্ভ কৰিছে অভিযান ।
