বাইহাটা, 22 জানুৱাৰী : মহানগৰীত ত্ৰাসৰ সৃষ্টি কৰি অহা ইৰাণী গ্ৰুপৰ বিৰুদ্ধে অভিযান চলাই বৃহৎ সফলতা লাভ কৰিছে কামৰূপ জিলা আৰক্ষীয়ে ৷ কামৰূপ জিলা আৰক্ষীয়ে শুকুৰাবাৰে কামাখ্যাৰ বাবা ধামৰ সমীপৱৰ্তী এটা ল‘জৰ পৰা আটক কৰিছে 6জন ইৰাণী গ্ৰুপৰ সদস্যক । মহানগৰীৰ পৰাই অপৰাধৰ সাম্ৰাজ্য নিয়ন্ত্ৰণ কৰে ইৰাণী গ্ৰুপে । বিহাৰৰ পৰা গুৱাহাটীত আহি বাহৰ পতা ছয় চিলনী চোৰে মহানগৰীত চলাইছিল উপদ্ৰৱ । পলাশবাৰীত সংঘটিত এক ধন লুটৰ ঘটনা সংঘটিত হোৱাৰ পাছতে কামৰূপ আৰক্ষীৰ অভিযানত জালত পৰে ইৰাণী গ্ৰুপৰ সদস্য কেইটা ৷
আৰক্ষীয়ে ছয় চিলনী চোৰক গ্ৰেপ্তাৰ কৰাৰ লগতে যুৱককেইজনৰ পৰা আঠডাল সোণৰ চেইন, দুখন মটৰ চাইকেল, নগদ ৬৪ হাজাৰ টকা, মোবাইল ফোন ,চিমকাৰ্ড জলকীয়া গুৰিৰ পেকেট, বান্দৰ কেকোৱাৰ গুৰি আৰু ভুৱা পৰিচয় পত্ৰ জব্দ কৰিছে আৰক্ষীয়ে ৷ ইতিমধ্যে আৰক্ষীয়ে আটক কৰা ইৰাণী গ্ৰুপৰ সদস্য কেইজনক সোধপোছ কৰি তদন্ত অব্য়াহত ৰাখিছে ৷
লগতে পঢ়ক: গোলাঘাটত আৰক্ষী আৰু ৰাইজৰ সংঘাত
