অসম আৰক্ষীৰ SI বাচনি পৰীক্ষাৰ প্ৰশ্ন কাকত ফাদিল কৰা মূল অভিযুক্ত সঞ্জীৱ শৰ্মাক গ্ৰেপ্তাৰ ৷ গুৱাহাটীৰ জ্যোতিনগৰৰ কৈলাশপুৰৰ পৰা মহানগৰ আৰক্ষীৰ অপৰাধ শাখাই গ্ৰেপ্তাৰ কৰে মূল অভিযুক্ত সঞ্জীৱ শৰ্মাক ৷ অভিযুক্ত সঞ্জীৱ শৰ্মাৰ ঘৰৰ পৰা অভিযানকাৰী দলটোৱে বহু সংখ্যক SI পৰীক্ষাৰ প্ৰশ্ন কাকত জব্দ কৰে ৷
ইমানেই নহয়, ধৃত সঞ্জয় শৰ্মাৰ ঘৰৰ পৰা অভিযানকাৰী দলটোৱে বন বিভাগ আৰু জলসিঞ্চন বিভাগৰ বিভিন্ন পদৰ প্ৰশ্ন কাকতো জব্দ কৰে ৷ ধৃত সঞ্জীৱ শৰ্মা প্ৰশ্ন কাকত ফাদিলৰ কৰা মূল অভিযুক্ত বুলি আৰক্ষীয়ে জানিবলৈ দিয়ে ৷ থেংকিউ লজৰ কম্পিউটাৰ হাৰ্ড ডিক্সৰ লগতে কিছু সামগ্ৰীও জব্দ কৰে আৰক্ষী অপৰাধ শাখাই ৷ ঘটনাৰ লগত জড়িত থকাৰ অপৰাধত নগাঁৱৰ পৰা হিৰক জ্যোতি বৰুৱা নামৰ এজন লোককো গ্ৰেপ্তাৰ কৰা হৈছে ৷ জীৱন ডেকা নামৰ আন এজন ব্যক্তিক বিচাৰি অভিযান অব্যাহত ৰাখিছে আৰক্ষীয়ে ৷
উল্লেখ্য যে, যোৱা দেওবাৰে অসম আৰক্ষীৰ 597 টা উপ-পৰিদৰ্শক পদৰ বাবে ৰাজ্যজুৰি অনুষ্ঠিত হোৱা পৰীক্ষাৰ প্ৰশ্ন কাকত ফাদিল হৈছিল ৷
