যোৰাবাটত ট্ৰাকসহ জব্দ 22 টাকৈ গৰু

যোৰাবাটত আৰক্ষীয়ে ট্ৰাকসহ জব্দ কৰে 22 টাকৈ গৰু ৷ গৰুৰ লগতে আটক হয় পাঁচটাকৈ গৰু সৰবৰাহকাৰী ৷

গুৱাহাটী,24 জুন: যোৰাবাটত আৰক্ষীয়ে এক গোপন সূত্ৰৰ পম খেদি দেওবাৰে মাজনিশা এক অভিযান চলায় ৷ অভিযানত নগাঁও ৰূপহীৰ পৰা মেঘালয়লৈ অবৈধভাবে সৰবৰাহ কৰা 22 টাকৈ গৰু সহ AS 01 LC 3593 নম্বৰৰ 1109 ট্ৰাক এখন জব্দ কৰে ৷ আৰক্ষীয়ে ট্ৰাক চালক ৰফিকুল ইছলাম,কামাল আহমেদ সহ,গৰুৰ মালিক আব্দুল জলিল আৰু শ্ৰমিক মহম্মদ সিকদাৰ আলি আৰু চুলতান আলীক আটক কৰে ৷ জানিব পৰা মতে ট্ৰাকখনত থকা 22টা গৰু অবৈধভাবে সৰবৰাহ কৰা হৈছিল ৷ জব্দ কৰা এই গৰুকেইটাৰ বজাৰ মূল্য প্ৰায় 6 লাখ টকা ৷