গুৱাহাটী, 12 জুন : বাঘজানৰ তৈলখাদৰ জুই নিয়ন্ত্ৰণৰ বাবে ইতিমধ্যে অসমত আহি উপস্থিত হৈছে 3গৰাকী বিদেশী বিশেষজ্ঞৰ দল । তিনিচুকীয়াৰ বাঘজানত সংঘটিত অগ্নিকাণ্ড নিয়ন্ত্ৰণ কৰিবলৈ এইদৰে বিশেষ বিমানেৰে অসমত উপস্থিত হৈছে বিশেষজ্ঞৰ দলটো ৷
বাঘজানত ক্ৰমান্বয়ে ভয়াৱহ হৈছে পৰিস্থিতি ৷ এফালে দিনে দিনে বৃদ্ধি পাইছে জুই আনফালে আৰম্ভ হৈছে প্ৰচণ্ড কঁপনি । কিছুদিন পূৰ্বে বাঘজানত নিৰ্গত বিষাক্ত তেল আৰু গেছ নিয়ন্ত্ৰণ কৰিবলৈ ছিংগাপুৰ পৰা তিনিজনীয়া বিশেষজ্ঞৰ দল উপস্থিত হৈছিল গেছ নিৰ্গমণ ৰোধ কৰিব পৰা নাছিল ৷ এই জুই নিয়ন্ত্ৰণ কৰাৰ বাবে অইল ইণ্ডিয়াই আমেৰিকাৰ দুজন আৰু কানাডাৰ এজন বিশেষজ্ঞৰ দল আমন্ত্ৰিত কৰি আনিছে । এই দলটি বিশেষ বিমানেৰে আহি বৰঝাৰস্থিত লোকপ্ৰিয় গোপীনাথ বৰদলৈ আন্তৰাষ্ট্ৰীয় বিমানবন্দৰত উপস্থিত হয় । তিনিজন বিশেষজ্ঞ বিমানবন্দৰৰ পৰা পোনে পোনে কিৰণশ্ৰী গ্ৰেণ্ড হোটেল SWAB পৰীক্ষাৰ বাবে লৈ যোৱা হয় । SWAB পৰীক্ষাৰ পিছত বিদেশী বিশেষজ্ঞৰ দল ৰাওনা হ'ব তিনিচুকীয়াৰ বাঘজানলৈ ।
লগতে পঢ়কঃ বাঘজানৰ তৈলখাদ পৰিদৰ্শন বিশেষজ্ঞৰ দলৰ
