নিউজ ডেস্ক, 10 ফেব্ৰুৱাৰী : হাইস্কুল শিক্ষান্ত আৰু হাই মাদ্ৰাছা পৰীক্ষাৰ প্ৰথম দিনাই নকল কৰি সমগ্ৰ অসমতে বহিষ্কৃত হ'ল ২৩ জনকৈ ছাত্ৰ-ছাত্ৰী ৷ এনেদৰে বহিষ্কৃত হোৱা ছাত্ৰ-ছাত্ৰী ধুবুৰী জিলাত সৰ্বাধিক আছিল বুলি তথ্য লাভ কৰা হৈছে ৷ ধুবুৰী জিলাৰ চাপৰত নকল কৰি ১৭ জনকৈ পৰীক্ষাৰ্থী ধৰা পৰে৷ পূৱ বিলাসীপাৰাৰ বহলপুৰ পৰীক্ষা কেন্দ্ৰত ১০ গৰাকী আৰু শালকোছা পৰীক্ষা কেন্দ্ৰত ৭ গৰাকী পৰীক্ষাৰ্থীয়ে অসৎ উপায় অৱলম্বন কৰি বহিষ্কৃত হয় ৷ চাপৰৰ ৰাজহ চক্ৰ বিষয়া নৱজিৎ পাঠকে কেন্দ্ৰসমূহ পৰ্যবেক্ষণ কৰি এই পৰীক্ষাৰ্থীসকলক বহিষ্কাৰ কৰে ৷
ইয়াৰোপৰি, হাইলাকান্দি আৰু গোলাঘাটতো ক্ৰমে ৫ আৰু ১ জন ছাত্ৰ বহিষ্কৃত হয় ৷
উল্লেখ্য যে, এইবাৰ ছেবা কৰ্তৃপক্ষই অসৎ উপায় অৱলম্বন কৰা শিক্ষাৰ্থীৰ বিৰুদ্ধে কঠোৰ ব্যৱস্থা লোৱাৰ সিদ্ধান্ত গ্ৰহণ কৰিছে ৷ সেয়েহে ছেবাই নিৰ্ধাৰণ কৰিছে কেতবোৰ নতুন নিয়ম ৷
