গুৱাহাটী, ৯ ছেপ্টেম্বৰ: শুকুৰবাৰে অসম আৰক্ষী নিযুক্তি (Assam Police Recruitment) ক্ষেত্ৰত কম্পিউটাৰ ভুৱা প্ৰমাণ পত্ৰ জমা দিয়া বুলি অসম চৰকাৰে ৪১৪ জন প্ৰাৰ্থীৰ ফলাফল স্থগিত কৰা প্ৰাৰ্থীয়ে আয়োজন কৰিলে সংবাদমেল । মহানগৰীত সংবাদমেল সম্বোধন কৰি প্ৰাৰ্থীসকলে ২০১৮ চনত অসম আৰক্ষী নিযুক্তি প্ৰক্ৰিয়াত (Assam Police Recruitment 2018) আবেদন কৰি ২০২১ ত শাৰীৰিক পৰীক্ষাত উত্তীৰ্ণ হৈ ২০২২ ৰ ২০ ফেব্ৰুৱাৰীত লিখিত পৰীক্ষাত অৱৰ্তীৰ্ণ হোৱা বুলি অৱগত কৰে ৷
বিগত ১২ মে’ত ইয়াৰ ফলাফল ঘোষণা কৰা হেছিল । যদিও তাৰ মাজৰ ৪১৪ জন প্ৰাৰ্থীৰ কম্পিউটাৰ প্ৰমাণ পত্ৰ ভুৱা বুলি ফলাফল স্থগিত কৰি ৰখিছিল (Computer certificates of 414 candidates were fake) । ইতিমধ্যে CID কাৰ্যালয়ত মাতি কম্পিউটাৰ প্ৰমাণপত্ৰ ভেৰিফিকেচন কৰা হৈছিল ৷ কম্পিউটাৰ প্ৰমাণপত্ৰ ভেৰিফিকেচনৰ চাৰি মাহ পাছতো আজি পৰ্যন্ত ফলাফল ঘোষণা নোহোৱাত ক্ষোভিত হৈ পৰিছে প্ৰাৰ্থীসকল ৷
এই সংবাদমেলযোগে ভুক্তভোগী প্ৰাৰ্থীসকলে ৪১৪ জন প্ৰাৰ্থীৰ মাজত যি দুই এজন ভুৱা প্ৰাৰ্থী থাকিব পাৰে তেওঁলোকক চিনাক্ত কৰি গ্ৰেপ্তাৰ কৰিবলৈ চৰকাৰক আহ্বান জনায় । আনহাতে, ৪১৪ জনৰ মাজৰে ৬০ জন ইতিমধ্যে প্ৰশিক্ষণ লৈ আছে বুলি মন্তব্য কৰে ভুক্তভোগী প্ৰাৰ্থীসকলে । ইপিনে CID য়ে কম্পিউটাৰ চাৰ্টিফিকেটখিনি জব্দ কৰা পাছত প্ৰাৰ্থীসকলে অন্য পদৰ বাবে আৱেদন কৰিব পৰা নাই বুলি জানিব দিয়ে ৷
সেয়ে প্ৰাৰ্থীসকলৰ বেমেজালি অতিশীঘ্ৰেই দূৰ কৰিবলৈ মুখ্যমন্ত্ৰী আৰু আৰক্ষী সঞ্চালক প্ৰধানক আহ্বান জনায় । লগতে এই ভুক্তভোগী প্ৰাৰ্থীসকলে চাকৰি পাব নে নাই সেই সন্দৰ্ভত স্পষ্টকৈ জনাবলৈও আহ্বান জনায় ৷
লগতে পঢ়ক: ইয়াকুবৰ ভাতৃয়ে বদা কবৰস্থানৰ দুই প্ৰাক্তন সদস্যক দিছিল ভাবুকি
