পদূলিমুখত হেঁপাহৰ ৰঙালী

ৰাজ্যৰ চৌদিশে এতিয়া বিহুক আদৰাৰ ব্যাপক প্ৰস্তুতি

গুৱাহাটী, 28 মাৰ্চঃবসন্তৰ আগমণে আনিছে ৰঙালীৰ বতৰা ৷ অসমীয়াৰ আদৰৰ ৰঙালী বিহুটিক আদৰিবলৈ সাজু ৰাজ্যবাসী ৷ ঢোল-পেঁপা গগণাৰ মাতত ৰজনজনাইছে ৰাজ্য ৷ আপোনজনক বিহুৱান দিবলৈ তাঁতশালত যদি বোৱনীৰ ব্যস্ততা আনহাতে আকৌ ডেকা গাভৰুসকল ব্যস্ত বিহুৰ আখৰাত ৷ চৌদিশে মাথো কেৱল চেনেহৰ বিহুটিক আদৰাৰ প্ৰস্তুতি ৷

ইপিনে ডেকা-গাভৰু, বোৱনীৰ সমান্তৰালকৈ ব্যস্ততা বাঢ়িছে ঢোল বিক্ৰী কৰা দোকানসমূহতো । ঢোলৰ সমাহাৰ লৈ বিহুটিক আদৰিবলৈ ঢোল ব্যৱসায়ীসকল ব্যস্ত হৈ পৰিছে যদিও গ্ৰাহকৰ সীমিত সঁহাৰিয়ে হতাশ কৰি তুলিছে ঢোল ব্যৱসায়ীসকলক ৷ তেওঁলোকৰ মন্তব্য ঢোলবাদন অথবা বিহুৰ প্ৰতি নৱপ্ৰজন্ম আগ্ৰহী নোহোৱাৰ ফলতে হ্ৰাস পাইছে ঢোলৰ চাহিদা ৷ যাৰ বাবে ঢোলৰ বজাৰত সৃষ্টি হৈছে মন্দাৱস্থাৰ ৷সেয়া যিয়েই নহওক, বাপতি সাহোন বিহুটিক লৈ ৰঙিয়াল হৈ পৰিছে সকলোৰে মন ৷