ৰঙিয়া,12 মে': কৰ’ণাৰ সংহাৰৰ মাজতে পালেহি পবিত্ৰ ঈদ উল ফিটৰ । কিন্তু ৰঙিয়াৰ কেন্দ্ৰীয় মছজিদ কমিটিয়ে ঈদৰ সমূহীয়া নামাজ পঢ়াৰ পৰা বিৰত থকাৰ সিদ্ধান্ত লৈছে ৷ চৰকাৰী নিয়ম-নীতি মানি সকলোকে ঈদৰ নমাজ আদায় কৰাৰ আহ্বান জনাইছে ৰঙিয়াৰ কেন্দ্ৰীয় মছজিদ কমিটিয়ে । মুছলমান লোকসকলে এমাহ ৰোজা ৰাখি উলহ-মালহেৰে প্ৰত্যেক বছৰে পালন কৰে ঈদ-উল-ফিটৰ ।
মুকলি আকাশৰ তলত ঈদগাহ ময়দান সমূহত কেইবা সহস্ৰাধিক লোকে ৰাজহুৱাভাৱে ঈদৰ নমাজ আদায় কৰে । কিন্তু এইবাৰ কৰ'ণাৰ সংক্ৰমণৰ প্ৰতি লক্ষ্য ৰাখি সমূহীয়াকৈ পালন নকৰে ঈদ ৷ ৰঙিয়াৰ ঈদগাহ ময়দানসমূহত সমূহীয়াভাৱে নামাজ পঢ়াৰ পৰা বিৰত থাকিব ইছলাম ধৰ্মাৱলম্বী লোকসকলে । তাৰ বিপৰীতে সামাজিক দূৰত্ব বজাই ৰাখি, অনুষ্টুপীয়াকৈ ঘৰে ঘৰে পালন কৰিব ঈদ ।
প্ৰত্যেককে নিজৰ নিজৰ ঘৰতে ঈদৰ নামাজ আদায় কৰিবলৈ কৰিবলৈ আহ্বান ৰঙিয়াৰ কেন্দ্ৰীয় মছজিদ কমিটিয়ে । কৰ’ণাৰ পৰা পৰিত্ৰাণ পাবৰ বাবেই এই সিদ্ধান্ত লোৱা হৈছে । লগতে ৰঙিয়াৰ কেন্দ্ৰীয় মছজিদ কমিটিয়ে ইছলাম ধৰ্মাৱলম্বী লোকসকলক ঈদৰ দিনা আনন্দ-স্ফূৰ্তি কৰি চৰকাৰী নিয়ম-নীতি ভংগ নকৰাৰ আহ্বান জনায় ।
লগতে পঢ়ক : কৰ'ণাত আক্ৰান্ত হৈ বৰপেটাৰ জ্যেষ্ঠ কংগ্ৰেছ নেতা আব্দুল কায়েমৰ মৃত্যু
