গুৱাহাটী, 6 মে': ছয়গাঁও আৰক্ষী থানাৰ অন্তৰ্গত পানীখাইতীত আমবাৰীত সোমবাৰে পুৱাই সংঘটিত হয় এক অঘটন ৷ জান এটা সাঁতুৰি পাৰ হ'বলৈ লওঁতেই জানটোত পৰি মৃত্যু ঘটে এটি শিশুৰ ৷ মৃত শিশুটি আমবাৰী গাঁৱৰ বীৰেন সৰকাৰৰ 8 বছৰীয়া পুত্ৰ প্ৰণৱ সৰকাৰ বুলি জানিব পৰা গৈছে ৷ দেওবাৰে নিশা আমবাৰীত এটি পৰিয়ালৰ পূজা উপলক্ষে সোমবাৰে পুৱা প্ৰায় 7 বজাত সমনীয়া এজনৰ সৈতে মাহ প্ৰসাদ খোৱাৰ উদ্দেশ্যে ঘৰৰ পৰা ওলাই যায় শিশুটি ৷ মাজত এটি জানত থকাত বাঁহৰ দলংখন ভাগি থকাৰ বাবে দুয়োজনে সাঁতুৰি পাৰ হ'বলৈ লওঁতেই প্ৰণৱ সৰকাৰ নামৰ শিশুটি পানীত ডুব যায় ৷ ইপিনে প্ৰণৱ পানীত ডুৱ যোৱাত বন্ধুজনে ওচৰৰ মানুহক চিঞৰি মতাৰ লগে লগে ওচৰৰ লোকসকলৰ দৌৰি আহি শিশুটিক মৃত অৱস্থাত উদ্ধাৰ কৰে ৷
পিচত স্থানীয় লোকে শিশুটিৰ মৃতদেহ উদ্ধাৰ কৰি ছয়গাঁও আৰক্ষীক খবৰ দিয়াত ছয়গাঁও আৰক্ষীৰ দল ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে জি এম চি এইচলৈ প্ৰেৰণ কৰে ৷
