চাবুৱা,27 মাৰ্চঃ ভোট গ্ৰহণৰ আগমুহূৰ্তত শুকুৰবাৰে নিশা ১২১ নং চাবুৱা বিধানসভা সমষ্টিত বৃহৎ পৰিমাণৰ সুৰা জব্দ হোৱা ঘটনাই সমগ্ৰ অঞ্চলটোত তীব্ৰ প্ৰতিক্ৰিয়াৰ সৃষ্টি কৰিছে ।
চাবুৱা আৰক্ষী থানাৰ অন্তৰ্গত হাতীআলি চাইডিঙত নিশা ভোটাৰক বিতৰণ কৰাৰ উদ্দেশ্যে হাতীআলিৰ জনৈক দাস উপাধিৰ ঘৰত মজুত থকা বৃহৎ পৰিমানৰ বিদেশী সুৰা জব্দ হয় ৷ ফ্লাইং স্কোৱাডে এক গোপন সুত্ৰৰ পম খেদি জব্দ কৰে বৃহৎ পৰিমানৰ বিদেশী সুৰা । অৱশ্যে কোন দলৰ প্ৰাৰ্থীৰ হৈ ভোটাৰক বিতৰণ কৰিবলৈ আনিছিল সেয়া এতিয়াও জানিব পৰা হোৱা নাই । ঘৰৰ গৰাকী দাস উপাধিৰ ব্যক্তিজন বৰ্তমান পলাতক বুলি জানিব পৰা গৈছে।
লগতে পঢ়কঃ কংগ্ৰেছ প্ৰাৰ্থী কিশোৰ ভট্টাচাৰ্যৰ হৈ প্ৰচাৰ চলালে সাংসদ গৌৰৱ গগৈয়ে
