মৰাণ, 24 মাৰ্চ : নিবাৰ্চনৰ প্ৰাকক্ষণত মাংগলিক নীতি নিয়মেৰে উষাপুৰ মহিলা সমাজৰ উদ্যোগত আৰু মৰাণৰ দল-সংগঠন তথা মৰাণবাসী ৰাইজৰ সহযোগত মঙলবাৰে মৰাণৰ পৰিদৰ্শন ভৱনৰ প্ৰাংগণত কেন্দ্ৰীয় তৰা চিঙা বিহু উদযাপন কৰা হয় ৷
উদযাপন সমিতিৰ সভানেত্ৰী অঞ্জলী মহন চেতিয়াই পতাকা উত্তোলন কৰাৰ পাছতে টাই আহোমৰ ধৰ্মীয় নীতি নিয়মেৰে তৰা চিঙা বিহুৰ মাংগলিক কৰ্ম আৰম্ভ হয় ৷ বিহুৰ মাংগলিক কাৰ্য উদ্বোধন কৰে মন্ত্ৰী যোগেন মহনে ৷ ইয়াৰ পাছতে আৰম্ভ হয় তৰাগছ তুলিবলৈ দোলা যাত্ৰা ।
এই বিহুত কেইবাটাও সাংস্কৃতিক দলৰ অংশগ্ৰহনেৰে দোলা যাত্ৰা কৰি মৰাণ অঞ্চল পৰিভ্ৰমণ কৰে ৷ দোলা যাত্ৰাৰে তৰাগছ আনি আসনত স্থাপন কৰা হয় ৷ ইয়াৰ পিছতে এখন মুকলি সভা অনুষ্ঠিত হোৱাৰ লগতে সাংস্কৃতিক জাতি-জনগোষ্ঠীৰ সাংস্কৃতিক অনুষ্ঠান অনুষ্ঠিত হয় ৷ উল্লেখ্য যে, তৰা চিঙা বিহু ৰঙালী বিহুৰ মাতৃ স্বৰূপ ৷ এই বিহু আৰম্ভ কৰিছিল চাওলুং চ্যুকাফাই ৷
লগতে পঢ়ক : কংগ্ৰেছৰ 5 টা গেৰাণ্টিৰ বিপৰীতে বিজেপিৰ 10 টা সংকল্প
