ডিব্ৰুগড়, 5 আগষ্ট : স্বায়ত্ব শাসিত পৰিষদ গঠন কৰি দিয়াৰ পাছতো একপ্ৰকাৰ অসন্তুষ্ট সদৌ অসম মটক যুৱ ছাত্ৰ সন্মিলন । মানৱ শৃংখল কাৰ্যসূচীৰ জৰিয়তে প্ৰতিবাদ সাব্য়স্ত কৰি সংগঠনটোৱে কঠোৰ ভাষাৰে সমালোচনা কৰে চৰকাৰক । মটক স্বায়ত্ব শাসিত পৰিষদৰ বাবে চৰকাৰে ঘোষণা কৰা 125 কোটিৰ আৰ্থিক পেকেজ অতি শীঘ্ৰে মুকলি কৰি দিয়াৰ বাবে দাবী উত্থাপনেৰে এই প্ৰতিবাদ সাব্যস্ত কৰে ।
চৰকাৰে অতি সোনকালে আমাৰ প্ৰাপ্য মুকলি কৰি দিয়াৰ দিশত নিজৰ স্থিতি স্পষ্ট কৰক- এই দাবী সংগঠনটোৰ । এই প্ৰতিবাদৰ জৰিয়তে সীমা সমস্যা, মূল্যবৃদ্ধি, বান, খহনীয়া, ক’ভিডৰ বাবে সৃষ্টি হোৱা ভয়াৱহ নিবনুৱা সমস্যা সমাধানৰো দাবী জনাই চৰকাৰক কঠোৰ ভাষাৰে সমালোচনা কৰে সদৌ অসম মটক যুৱ ছাত্ৰ সন্মিলনে ।
চহৰখনৰ চৌকিডিঙিত মানৱ শৃংখল কাৰ্যসূচীৰ জৰিয়তে প্ৰতিবাদ সাব্যস্ত কৰে সংগঠনটোৱে ৷ অতি সোনকালে এই সমস্যাসমূহ সমাধান নকৰিলে পৰৱৰ্তী সময়ত ইয়াতকৈও অধিক জংগী হৈ পৰাৰ হুংকাৰ প্ৰদান কৰে মটক যুৱ ছাত্ৰ সন্মিলনে ৷
লগতে পঢ়ক: ডিব্ৰুগড়ত সদৌ অসম মটক যুৱ ছাত্ৰ সন্মিলনৰ সংবাদ মেল
