মৰাণ, 4 এপ্ৰিল : সদৌ টাই আহোম ছাত্ৰ সন্থা মৰাণ আঞ্চলিক সমিতিৰ উদ্যোগত আৰু মৰাণবাসী ৰাইজৰ সহযোগত ২৩ আৰু ২৪ এপ্ৰিলত দুদিনীয়াকৈ দশম বাৰ্ষিক কেন্দ্ৰীয় ব’হাগী সন্মিলনৰ উদযাপনৰ প্ৰস্তুতি চলিছে । মৰাণ বালিকা উচ্চ মাধ্যমিক বিদ্যালয় প্ৰাংগনত অনুষ্ঠিত কৰিবলৈ লোৱা এই ব’হাগী সন্মিলনৰ বাবে দেওবাৰে লাইখুঁটা স্থাপন কৰা হয় ।
টাই আহোম ছাত্ৰ সন্থাৰ কেন্দ্ৰীয় বহাগী সন্মিলন উদযাপনৰ প্ৰস্তুতি
আটাছুৰ বিষয়ববীয়াৰ লগতে মৰাণৰ কেইবাজনো জ্যেষ্ঠ ব্যক্তি উপস্থিত থকা এই লাইখুঁটা স্থাপন কাৰ্যসূচীত সন্মিলন খনি সুচাৰুৰূপে অনুষ্ঠিত হৈ যোৱাটো কামনা কৰিছে উদযাপন সমিতিয়ে । সন্মিলনৰ দুয়ো দিনৰ কাৰ্যসূচীত সম্পূৰ্ণ বিহুৰ পৰম্পৰা অক্ষুন্ন ৰাখি কেইবাটাও প্ৰতিযোগিতা অনুষ্ঠিত হ'ব বুলি উদযাপন সমিতিয়ে জানিবলৈ দিয়ে ।
লগতে পঢ়ক : বাংলাদেশৰ বৃহৎ সামৰিক অনুশীলনত ভাৰতীয় সেনাৰ দল
