নাহৰকটীয়া, 24 আগষ্ট : নাহৰকটীয়া সমষ্টিৰ অন্তৰ্গত চাচনী মৌজাৰ সচেতন মহিলা মঞ্চৰ উদ্যোগত সোমবাৰে ৰাজ্যৰ মুখ্যমন্ত্ৰীলৈ এখন স্মাৰকপত্ৰ প্ৰেৰণ কৰে ৷
৮৫ খন ৰাজহ গাঁৱেৰে গঠিত বৃহৎ কৃষিভিত্তিক মৌজা চাচনীৰ প্ৰতিখন গাঁৱৰ পৰা দুগৰাকীকৈ মহিলাই বিজেপিৰ নৱগঠিত অসম ৰাজ্যিক সমিতিৰ সম্পাদক তৰংগ গগৈৰ বাসগৃহত উপস্থিত হৈ তেখেতক ফুলাম গামোছাৰে অভিনন্দন জনায় ৷
মহিলাসকলে অঞ্চলটোৰ বিভিন্ন সমস্যা সমাধানৰ দাবীৰে মাননীয় মূখ্যমন্ত্ৰীলৈ সম্পাদক তৰংগ গগৈৰ জৰিয়তে এখন স্মাৰক পত্ৰ প্ৰেৰণ কৰে । ইয়াৰ উপৰিও সচেতন মহিলা মঞ্চৰ সদস্যাসকলে সাম্প্ৰতিক পৰিস্থিতিৰ পৰিপ্ৰেক্ষিতত সমাজৰ সামাজিক,অৰ্থনৈতিক,সাংস্কৃতিক উন্নয়নৰ বাবে কিদৰে সকলোৱে সমিলমিলেৰে আগবাঢ়ি যাব পাৰে,সেই সম্পৰ্কে সম্পাদকগৰাকীৰে এক সৌহাদ্যমূলক আলোচনাত মিলিত হয় ৷
লগতে পঢ়কঃ শিৱসাগৰৰ ৰাধিকা এতিয়া বহুজনৰ বাবেই আদৰ্শ
