মৰাণ,18 এপ্ৰিল: দেশজুৰি কৰ'ণাৰ আতংকৰ মাজতে ৰাজ্যবাসীয়ে উদযাপন কৰিছে হেঁপাহৰ ৰঙালী বিহু । স্বাস্থ্য বিভাগে নিৰ্ধাৰণ কৰি দিয়া নীতি-নিয়মৰ মাজেৰে ঠায়ে ঠায়ে মঞ্চ বিহু অনুষ্ঠিত হৈছে । প্ৰতি বৰ্ষৰ দৰে এইবছৰো মৰাণৰ আঞ্চলিক ছাত্ৰ সন্থাই অনুষ্ঠিত কৰিব ব’হাগী মহোৎসৱ ।
মৰাণ আঞ্চলিক ছাত্ৰ সন্থাৰ উদ্যোগত আৰু স্থানীয় ৰাইজৰ সহযোগত ১৩-১৪ ব’হাগত ব'হাগী মহোৎসৱৰ ৰূপালী জয়ন্তী বৰ্ষ পালন কৰা হ’ব ৷ সেই উদ্দেশ্যে দেওবাৰে অনুষ্ঠানৰ লাইখুঁটা স্থাপন কৰা হয় । মৰাণ উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত হ'ব লগা ব'হাগী মহোৎসৱ সম্পূৰ্ণ ক'ভিড নীতি-নিয়ম মানি অনুষ্ঠিত কৰা হ'ব বুলি আছুৰ নেতৃত্বই জানিবলৈ দিয়ে ।
লগতে পঢ়ক : দিল্লীত একেদিনাই ২৪ হাজাৰ আক্ৰান্ত কৰ'ণাত
