মৰাণ, 16 ডিচেম্বৰ : ক্ৰমাৎ অধিক বেয়ালৈ গতি কৰিছে চুবুৰীয়া ৰাজ্য নগালেণ্ডৰ পৰিস্থিতি । তিৰুৰ ঘটনাকলৈ জ্বলিছে নগালেণ্ড । পুনৰ এদিনৰ কাৰণে বন্ধ ঘোষণা নাগালেণ্ডৰ মন জিলাত ৷ জানিব পৰা মতে, 16 ডিচেম্বৰ অৰ্থাৎ আজি কন্যাক স্টুডেণ্ট ইউনিয়নে বন্ধ ঘোষণা কৰিছে মন জিলাত (Konyak Student Union announced bandh in Mon district) ৷ বৃহস্পতিবাৰে পুৱা 6 বজাৰ পৰা বিয়লি 4 বজালৈ বন্ধ থাকিব মন জিলা(Bandh announced in Mon district) ৷
অৱশ্যে জৰুৰীকালীন সেৱাসমূহক এই বন্ধৰ পৰা ৰেহাই দিয়া হৈছে বুলি সংগঠনটোৱে কন্যাক ষ্টুডেণ্ট ইউনিয়নৰ সহকাৰী সম্পাদক টাও আঙৰ স্বাক্ষৰিত এক প্ৰেছ বাৰ্তা যোগে সংগঠনটোৱে জানিব দিয়ে ৷
উল্লেখ্য যে, 4 ডিচেম্বৰৰ মাজনিশা নাগালেণ্ডৰ মন জিলাৰ তিৰু আৰু অ’টিং বস্তিৰ সীমাত সংঘটিত হয় এক উত্তাপ্ত পৰিস্থিতি(Tension grips Nagaland) ৷ নিৰাপত্তাৰক্ষীৰ গুলীচালনা(Security forces firing in Nagalnad)ত নিহত হয় 13 জনকৈ নগা যুৱক(13 civilians killed in Nagaland) ৷
ফলত ঘটনাৰ প্ৰতিবাদস্বৰূপে গাঁওবাসীয়ে উত্তেজিত হৈ নিৰাপত্তাৰক্ষীৰ কেইবাখনো বাহন জ্বলাই দিয়ে ৷ উত্তেজিত নগা জনসাধাৰণে অগ্নি সংযোগ কৰাৰ ফলত এজন নিৰাপত্তাৰক্ষী নিহত হয় ৷ আনহাতে, আহত হয় কেইবাজনো নিৰাপত্তাৰক্ষী ৷ এই ঘটনাক কেন্দ্ৰ কৰি বৰ্তমানেও অব্যাহত আছে তীব্ৰ উত্তেজনা ৷ ইয়াৰোপৰি এই ঘটনাৰ পাছতেই নাগালেণ্ডৰ মন জিলাত সেনা আৰু সাধাৰণ জনতাৰ মাজত ভয়ংকৰ সংঘৰ্ষৰ সূত্ৰপাত ঘটে ।
লগতে পঢ়ক : Tension grips Nagaland : নিৰাপত্তাৰক্ষীৰ গুলীত নিহত 13 জনকৈ নগা যুৱক
