ডিব্ৰুগড়,2 মাৰ্চ: ডিব্ৰুগড়ত দৃষ্টি নামৰ এটা সংস্থাৰ প্ৰশংসনীয় পদক্ষেপ ৷ বৃহস্পতিবাৰে কুমাৰিণী চিগাৰ দীপজ্যাতি সংঘৰ প্ৰেক্ষাগৃহত দৃষ্টি ফাউণ্ডেচন আৰু ৰাইজৰ সহযোগত দৃষ্টি মিৰি মাৰ্কেট বাৰ্টাৰ নামৰ এটা মোবাইল এপ মুকলি কৰে যাৰ জৰিয়তে ৰাইজে সামগ্ৰী বিক্ৰী আৰু বিনিময় কৰিব পাৰিব ৷
উদ্যোগতা সকলে জানিবলৈ দিয়া মতে অঞ্চলটোৰ ৭ খন গাঁৱৰ ৩০০ টা পৰিয়ালৰ ৯০ শতাংশ মহিলা আৰু ১০ শতাংশ পুৰুষক জীৱন জীৱিকাৰ যোগেদি স্বাৱলম্বী কৰাৰ বাবে এই পৰিকল্পনা হাতত লৈছে । উল্লেখযোগ্য যে, এই এপৰ জৰিয়তে মহিলা সকলেও উৎপাদিত সামগ্ৰী বিক্ৰী আৰু বিনিময় কৰি জীৱিকাৰ এক নতুন পথ বাচিব ল’ব পাৰিব ।
লগতে পঢ়ক : সাধাৰণ জনতাৰ বাবে মুকলি দিল্লী-মীৰাট এক্সপ্ৰেছৱে
