পশ্চিম বিলাসীপাৰা, 25 এপ্ৰিল : বিলাসীপাৰাৰ সাপটগ্ৰামত দেওবাৰে সংঘটিত হয় ভয়ঙ্কৰ পথ দুৰ্ঘটনা(Road Accident in Bilasipara) । সাপটগ্ৰামৰ খুন্দামাৰীত এখন বালি কঢ়িয়াই অনা অভাৰ লোড ডাম্পাৰ আৰু টেম্প'ৰ মাজত হয় মুখামুখি সংঘৰ্ষ । এই ঘটনাত থিতাতে নিহত হয় টেম্প'খনৰ দুজন যাত্ৰী(Two dead in Bilasipara road accident) । আনহাতে গুৰুতৰভাৱে আহত হয় আন এজন যাত্ৰী ।
দুৰ্ঘটনাত থিতাতে নিহত যাত্ৰী দুজন ক্ৰমে বিলাসীপাৰাৰ তুষপাৰাৰ ছায়েদ আলী আৰু শৈলমাৰীৰ কপিল আলী বুলি জানিব পৰা গৈছে । আনহাতে আহত ব্যক্তিজনক মুমূৰ্ষু অৱস্থাত ততাতৈয়াকৈ চিকিৎসালয়লৈ প্ৰেৰণ কৰা হয় ।
দুৰ্ঘটনা সংঘটিত কৰা অভাৰ লোড বালি ভৰ্তি ডাম্পাৰখনৰ নম্বৰ হৈছে AS 15AC 1734৷ অবৈধভাৱে অভাৰ লোড কৰি বালি কঢ়িয়াই নিয়া ডাম্পাৰখনৰ বাবে টেম্প'খনৰ যাত্ৰী দুজনে প্ৰাণ হেৰুৱাৰ অভিযোগ কৰি স্থানীয় লোকে ঘটনাস্থলীত সৃষ্টি কৰে উত্তপ্ত পৰিস্থিতিৰ ।
লগতে পঢ়ক : বিধ্বস্ত পথৰ বাবে নুমলীগড়ত প্ৰাণ হেৰুৱালে এজন লোকে
