নিউজ ডেস্ক, 30 এপ্ৰিলঃ লক ডাউনৰ সময়চোৱাত কৃষিৰ লগত জড়িত শ্ৰমিকৰ উচ্চ দৰ আৰু লোক সকলৰ চলাচল নিষিদ্ধ হৈ থকা বাবে ফলমূল আৰু শাক পাচলিৰ মূল্য অধিক হাৰত বৃদ্ধি হ'ব । কিন্তু এই বৃদ্ধিৰ ফলত ক্ৰেতা সকলৰ ক্ষতি হ'ব যদিও লাভ নহ'ব খেতিয়ক সকলৰ । এই কথা প্ৰকাশ কৰিছে কৃষি বিশেষজ্ঞ তথা প্ৰাক্তন CACPৰ অধ্যক্ষ অশোক ভীশন দাসে ।
কৰ'ণা ভাইৰাছৰ ভয়াবহতাৰ প্ৰতি লক্ষ্য ৰাখি প্ৰধানমন্ত্ৰী নৰেন্দ্ৰ মোডীয়ে 25 মাৰ্চৰ পৰা ঘোষণা কৰিছিল লক ডাউন । লক ডাউন ঘোষণা কৰাৰ পাচত সাধাৰণ জনতাৰ চলাচল বন্ধ হৈ পৰিছিল । আনহাতে বহুত পিচতহে লক ডাউনৰ পৰা ৰেহাই দিয়া হৈছিল কৃষি ক্ষেত্ৰক । যাৰ ফলত শ্ৰমিক নোপোৱা হৈছিল কৃষক সকলে । পৰিবহণৰ বাবে কোনো ব্যৱস্থা নাছিল । আনহাতে লক ডাউনৰ ফলত ক্ৰেতাও ঘৰৰ পৰা ওলাব পৰা নাই । ফলত ফলমূল আৰু পাচলি সমূহ পথাৰতে নষ্ট হৈ পৰিছে ।
