নিউজ ডেস্ক, 27 আগষ্ট : আমাজ'নৰ প্ৰতিষ্ঠাপক তথা মুখ্য কাৰ্যবাহী বিষয়া জেফ বেজ'ছ 200 আৰৱ আমেৰিকান ডলাৰ (149 লাখ কোটি) সম্পত্তি পাৰ হোৱা একমাত্ৰ ব্যক্তি ৰূপে পৰিগণিত হৈছে ৷ ফোবৰ্স আৰু ব্লুমবাৰ্গ বিলিয়নেয়ৰ্চ ইণ্ডেক্সত এই কথা পোহৰলৈ আহিছে ৷
ফোবৰ্স ৰিপৰ্ট মতে, আমাজ‘নৰ ষ্ট'ক দুই গুণলৈকে বৃদ্ধি পোৱাৰ লগতে বুধবাৰে দুপৰীয়ালৈকে বিশ্বৰ সবাতোকৈ ধনী ব্যক্তি গৰাকীৰ সম্পত্তি 4.9 আৰৱ ডলাৰলৈকে বৃদ্ধি হয় ৷
ফোবৰ্সৰ ৰিপৰ্টৰ কোৱা হৈছে যে, কৰ‘ণা মহামাৰীৰ কালচোৱাত আমাজ'নৰ সেৱা সমূহৰ চাহিদা যথেষ্ট বৃদ্ধি হোৱা পৰিলক্ষিত হৈছে ৷ বছৰৰ আৰম্ভণিৰ পৰা লৈ এতিয়ালৈকে কোম্পানীটোৰ ষ্ট'ক 80 শতাংশলৈ বৃদ্ধি হৈছে ৷ তদপুৰি 1 জানুৱাৰীলৈকে বেজ'ছৰ মুঠ সম্পত্তি 115 আৰৱ ডলাৰৰ আশে পাশে আছিল বুলিও ৰিপৰ্টত উল্লেখ কৰা হৈছে ৷
লগতে পঢ়ক : টিক্ টক ক্ৰয় কৰাৰ দৌৰত নাই গুগলঃ সুন্দৰ পিচাই
