নাহৰকটীয়া, 10 ফেব্ৰুৱাৰীঃ অসমৰ পেট্ৰ'কেমিকেল ক্ষেত্ৰত নতুন সংযোজনেৰে অসম পেট্ৰ’কেমিকেল লিমিটেডৰ নিৰ্মীয়মান 500 টন দৈনিক উৎপাদনক্ষম মিথানল প্ৰকল্পটোৰ দেওবাৰে কামৰ পৰিদৰ্শন কৰে উদ্যোগটোৰ উপাধ্যক্ষ বিকুল ডেকাই ৷ উক্ত পৰিদৰ্শনৰ সময়ত ডেকাৰ লগত উপস্থিত থাকে কোম্পানীটোৰ পৰিচালন সঞ্চালক ৰাতুল বৰদলৈ ৷ নিৰ্মীয়মান গোটটো 2021 চনৰ জুন মাহত মেকানিকেল আৰু চিভিল বিভাগৰ কামসমূহ সমাপ্ত হ’ব আৰু ইয়াৰ পাছতেই উৎপাদনৰ কাম আৰম্ভ হ’ব ৷
ইপিনে উদ্যোগটোৰ পৰিচালক সঞ্চালক ৰাতুল বৰদলৈয়ে কয়, এই উদ্যোগটো বৰ্তমান 100 টন উৎপাদনক্ষম গোটৰ তুলনাত নতুন 500 টন উৎপাদনক্ষম উদ্যোগটোৱে নিবনুৱা সংস্থাপনৰ ক্ষেত্ৰতো প্ৰভাৱ বিস্তাৰ কৰিব ৷ অসম পেট্ৰ’কেমিকেল লিমিটেডে মিথানলৰ উপৰিও মিথালক ৰন্ধন গেছ হিচাপে ব্যৱহাৰযোগ্য ইন্ধনৰ এক পাইলট প্ৰজেক্টটো ৰূপায়ন কৰি আছে ৷ যাৰ বাবে এই প্ৰজেক্টৰ বাবে 3500 গৰাকী যুৱক-যুৱতীক ডিলাৰশ্বীপৰ বাবে নিয়োগৰ ব্যৱস্থা কৰা হ’ব ৷
- লগতে চাওক- অভিশপ্ত দেওবাৰঃৰাজ্যৰ ভিন্ন স্থানত সংঘটিত পথ দুৰ্ঘটনা
