শোণিতপুৰত লাডেনৰ সন্ত্ৰাস

এইবাৰ শোণিতপুৰত লাডেন নামৰ এটা বনৰীয়া হাতীৰ তাণ্ডৱ ৷ ৰঙাপৰাত দীৰ্ঘদিন ধৰি বনৰীয়া হাতীয়ে উপদ্ৰৱ চলাই থকাৰ পাচতো বন বিভাগে কোনো পদক্ষেপ গ্ৰহণ নকৰাৰ অভিযোগ উত্থাপন কৰে স্থানীয় ৰাইজে ।

ৰঙাপৰা,২১মে' : শোণিতপুৰ জিলাৰ ৰঙাপৰাত বনৰীয়া হাতী 'লাডেন'ৰ সন্ত্ৰাস । সোমবাৰে নিশা লাডেন নামৰ বনৰীয়া হাতীটোৱে ৰঙাপৰাৰ ধেন্দাই চাহ বাগিচাৰ কদমতলী শ্ৰমিক লাইনত অৱস্থিত ২২ নং প্ৰাথমিক বিদ্যালয়ৰ ৰান্ধনি গৃহৰ পকীবেৰ ভাঙি পেলায় । বনৰীয়া হাতীটোৱে ৰান্ধনি গৃহত থকা মধ্যাহ্ন ভোজনৰ চাউলকে ধৰি দাইল আৰু শাক-পাচলিও ভক্ষন কৰে । ইপিনে, ৰঙাপৰাত দীৰ্ঘদিন ধৰি বনৰীয়া হাতীয়ে উপদ্ৰৱ চলাই থকাৰ পাচতো বন বিভাগে কোনো পদক্ষেপ গ্ৰহণ নকৰাৰ অভিযোগ উত্থাপন কৰে স্থানীয় ৰাইজে ।