ৰঙাপৰাত পথৰ দুৰৱস্থা

ৰঙাপৰাৰ ১ নং ৱাৰ্ডৰ গোপাল ঠাকুৰ পথৰ দুৰৱস্থাৰ বাবে দুৰ্ভোগ ভূগিবলগীয়া হৈছে অঞ্চলবাসী, বন্ধ হৈ পৰিছে যাতায়ত ব্যৱস্থা ৷

ৰঙাপৰা,৫মে' : ৰঙাপৰাৰ ১ নং ৱাৰ্ডৰ গোপাল ঠাকুৰ পথৰ দুৰৱস্থা । এজাক বৰষুণতেই বোকাময় হৈ পৰে পথটো । যাৰ বাবে অঞ্চলবাসীয়ে দীৰ্ঘদিন ধৰি দুৰ্ভোগ ভুগিবলগীয়া হৈছে । ইফালে ৰঙাপৰা পৌৰসভাৰ পৌৰপতি মিঠু পালে গোপাল ঠাকুৰ পথটটো পকীকৰণ তথা যাতায়তৰ ক্ষেত্ৰত কোনো গুৰুত্ব নিদিয়া বুলি অভিযোগ উত্থাপন কৰিছে স্থানীয় ৰাইজে ।

আনহাতে, ছাত্ৰ-ছাত্ৰীসকলে এই পথটোৰে বিদ্যালয়লৈ অহা-যোৱা কৰাত বহু অসুবিধাৰ সন্মুখীন হ'বলগীয়া হৈছে বুলি স্থানীয় ৰাইজে মন্তব্য কৰি শীঘ্ৰে পথটো যাতায়তৰ বাবে সুচল কৰিবলৈ দাবী জনায় ।