গুৱহাটী, ২৭ এপ্ৰিল : শনিবাৰৰ পৰা গুৱাহাটী বিশ্ববিদ্যালয়ৰ লোকবন্ধু ডা০ ভুৱনেশ্বৰ বৰুৱা ৪নং ছাত্ৰাবাসত আৰম্ভ হয় হীৰক জয়ন্তী সমাৰোহ । দুদিনীয়া কাৰ্যসূচীৰে ছাত্ৰাবাসটোত অনুষ্ঠিত কৰা হয় হীৰক জয়ন্তী । এই অনুষ্ঠানত মুখ্য অতিথি হিচাপে প্ৰাক্তন মুখ্যমন্ত্ৰী তৰুণ গগৈ উপস্থিত থাকে । অনুষ্ঠানত গগৈয়ে পুৰণি দিনৰ স্মৃতি ৰোমন্থন কৰে । তাৰোপৰি ভাষা আন্দোলনৰ সময়চোৱাত এই হোষ্টেলৰ পৰায়ে প্ৰাক্তন মুখ্যমন্ত্ৰী তৰুণ গগৈ আৰু তেওঁৰ সহযোগীসকলে কেনেদৰে জপিয়াই পৰিছিল সেই বিষয়েও সাংবাদিকৰ আগত প্ৰকাশ কৰে প্ৰাক্তন মুখ্যমন্ত্ৰীগৰাকীয়ে । এই হোষ্টেলৰ পৰাই প্ৰাক্তন মুখ্যমন্ত্ৰীগৰাকীয়ে ছাত্ৰ সংগঠনৰো জন্ম দিয়াৰ কথা জানিবলৈ দিয়ে সাংবাদিকক ।
ইফালে প্ৰাক্তন মুখ্যমন্ত্ৰীগৰাকীয়ে এই অনুষ্ঠানত অংশগ্ৰহণ কৰাত উৎফুল্লিত হৈ পৰে ছাত্ৰাবাসটোৰ ছাত্ৰসকল । হীৰক জয়ন্তিৰ লগত সংগতি ৰাখি সাহিত্য সম্পকীয় আলোচনা, সাংস্কৃতিক অনুষ্ঠানকে ধৰি বিভিন্ন অনুষ্ঠানৰ আয়োজন কৰে ছাত্ৰাবাসটোৰ ছাত্ৰসকলে ।
লগতে চাবলৈ : ডা: সুমিত কুমাৰ গাৰোডিয়াৰ লগতে পত্নীক শেষ শ্ৰদ্ধা শিৱসাগৰবাসীৰ
