গুৱাহাটী, ২০ ডিচেম্বৰ : গুৱাহাটী মহানগৰীৰ জালুকবাৰীস্থিত চৰকাৰী আয়ুৰ্বেদিক মহাবিদ্যালয়ৰ ৭৩ সংখ্যক প্ৰতিষ্ঠা দিৱস দেওবাৰে পালন কৰা হয় । পুৱাই মহাবিদ্যালয়ৰ পতাকা উত্তোলনেৰে প্ৰতিষ্ঠা দিৱসৰ অনুষ্ঠানৰ কাৰ্যসূচীৰ শুভাৰম্ভণি কৰা হয় । অনুষ্ঠানত আয়ুৰ্বেদ চিকিৎসা আৰু শিক্ষা ব্যৱস্থাৰ ওপৰত এখন বিশেষ আলোচনাচক্ৰ অনুষ্ঠিত কৰা হয় । মহাবিদ্যালয়খনৰ শিক্ষাৰ্থী তথা চিকিৎসক সকলৰ উদ্দেশ্যে উপস্থিত অতিথিসকলে বিভিন্ন পৰামৰ্শ আগবঢ়ায় ।
অনুষ্ঠানত চৰকাৰী আয়ুৰ্বেদিক মহাবিদ্যালয়ৰ অধ্যক্ষ ড০ ৰমাকান্ত শৰ্মা, প্ৰাক্তন অধ্যক্ষ ভৱেশ দাস, প্ৰাক্তন অধ্যক্ষ ধনেশ্বৰ কলিতা, ড০ প্ৰদীপ গোস্বামী, ড০ প্ৰণৱজ্যোতি বৈশ্য প্ৰমুখ্যে বহুকেইজন গণ্যমান্য ব্যক্তি উপস্থিত থাকে । ইফালে প্ৰতিষ্ঠা দিৱসৰ অনুষ্ঠানৰ লগতে সংগতি ৰাখি মহাবিদ্যালয়ৰ প্ৰাংগনত এক স্বাস্থ্য পৰীক্ষা শিবিৰো অনুষ্ঠিত কৰা হয় ।
