চিটাৰা ডেস্ক, ১৪ জুন: বলিউডৰ অভিনেত্ৰী তথা লোক গায়িকা ইলা অৰুণে কোভিড-১৯ সন্দৰ্ভত মন্তব্য প্ৰকাশ কৰি কয় যে, লোক শিল্পীসকলৰ লাইভ মনোৰঞ্জনৰ ক্ষেত্ৰত কোভিড-১৯য়ে বেয়াকৈ প্ৰভাৱ বিস্তাৰ কৰিছে । কিয়নো এই ক্ষেত্ৰত সামাজিক দূৰত্বই প্ৰাধান্য পাইছে । সামাজিক দূৰত্ব সকলোৰে এক জীৱন শৈলী হৈ পৰিছে । সেইবাবে অভিনেতাগৰাকীয়ে কৰ্পৰেট কোম্পানীসমূহক শিল্পীৰ সমৰ্থনত ওলাই আহিবলৈ আহ্বান জনাইছে ।
কেৱল মঞ্চ গায়িকাই নহয়, ইলা অৰুণ এগৰাকী প্ৰতিষ্ঠিত লোক গায়িকাও । তেওঁ ‘চোলী কে পিচে’, ‘মোৰনী বাগ মা বোলে’ আৰু ‘ৰিংগা ৰিংগা’ আদি বলিউড ছবিৰ গানতো কণ্ঠদান কৰিছে ।
তেওঁ কয় যে, কোনো এজন শিল্পীয়ে এই মহামাৰীৰ যুঁজত হাৰি যাব নোৱাৰাকৈ শিল্পীসকলক সমৰ্থনৰ প্ৰয়োজন । কিয়নো শিল্পীসকলে দৰ্শকক জীয়াই থকাৰ প্ৰেৰণা দিয়ে । গতিকে শিল্পীসকলে নিজৰ জীৱনটোক লৈ হাৰ মানিব নালাগে ।
লগতে পঢ়ক: দিশাক জন্মদিনৰ শুভেচ্ছা টাইগাৰ শ্ৰফৰ
