কলগাছিয়া বজাৰত কৃত্ৰিম বান

ৰাইজৰ মতে পথৰ দুয়োকাষে নলা-নৰ্দমাৰ সুব্যৱস্থা নথকাৰ বাবে এজাক বৰষুণতেই কৃত্ৰিম বানৰ সৃষ্টি হয় । সেয়ে শীঘ্ৰে পথৰ দুয়োকাষে নলাৰ সুব্যৱস্থা কৰাৰ বাবে জনিয়াৰ বিধায়ক আব্দুল খালেকক দাবী জনায় স্থানীয় ৰাইজে ।

কলগাছিয়া,১৪মে' : জনিয়া বিধানসভা সমষ্টিৰ মাজমজিয়াৰ কলগাছিয়াত কৃত্ৰিম বানে জ্বলাকলা খুৱাইছে ৰাইজক । এজাক বৰষুণতেই বলাইপাথাৰৰ পৰা কলগাছিয়া ষ্টেটবেংকলৈ যোৱা পথছোৱা পানীৰে উপচি পৰে । যাৰ বাবে যাতায়তৰ ক্ষেত্ৰত ৰাইজে সমস্যাৰ সন্মুখীন হ'বলগীয়া হয় । ইফালে,বৰষুণৰ ফলত কলগাছিয়া সাপ্তাহিক বজাৰত একাঁঠু পৰ্যন্ত পানী জমা হয় আৰু অঞ্চলটোত ব্যৱসায়-বাণিজ্য বন্ধ হৈ পৰে ।

স্থানীয় ৰাইজৰ মতে পথৰ দুয়োকাষে নলা-নৰ্দমাৰ সুব্যৱস্থা নথকাৰ বাবে এজাক বৰষুণতেই কৃত্ৰিম বানৰ সৃষ্টি হয় । সেয়ে শীঘ্ৰে পথৰ দুয়োকাষে নলাৰ সুব্যৱস্থা কৰাৰ বাবে জনিয়াৰ বিধায়ক আব্দুল খালেকক দাবী জনায় স্থানীয় ৰাইজে ।