ধুবুৰী,১জুন : শুকুৰবাৰে নিশা অসম-বংগ সীমান্তৰ ছাগলীয়াত জব্দ হয় গাঞ্জাভৰ্তি এখন ট্ৰাক । ছাগলীয়া আৰক্ষীয়ে অভিযান চলাই জব্দ কৰে ৯৫ টাকৈ গাঞ্জাৰ পেকেট । 31 নং ৰাষ্ট্ৰীয় ঘাইপথেৰে আগৰতলাৰ পৰা ছাগলীয়া হৈ চুবুৰীয়া ৰাজ্য পশ্চিমবংগলৈ পাৰ হোৱাৰ সময়তে ছাগলীয়া আৰক্ষীয়ে জব্দ কৰে ইউপি 64-6995 নম্বৰৰ ট্ৰাকখন । শনিবাৰে আগমনীৰ ৰাজহ চক্ৰ বিষয়া আৰু অতিৰিক্ত উপ আৰক্ষী অধীক্ষকৰ উপস্থিতিত ট্ৰাকখনৰ পৰা জব্দ কৰে গাঞ্জাখিনি । গাঞ্জাখিনিৰ মূল্য প্ৰায় পোন্ধৰো লাখ হ'ব বুলি মন্তব্য আৰক্ষীৰ ।
ছাগলীয়াত উদ্ধাৰ বৃহৎ পৰিমানৰ গাঞ্জা
ইতিমধ্যে, ছাগলীয়া আৰক্ষীয়ে গাঞ্জাখিনি লৈ অহা ট্ৰাক চালক আৰু আন এজন লোকক কৰায়ত্ত কৰি ঘটনাৰ তদন্ত আৰম্ভ কৰিছে ।
