মৰাণ,২১ ডিচেম্বৰ: '২১ ৰ বিধানসভা নিৰ্বাচনলৈ সকলো ৰাজনৈতিক দলেই সাজু হৈ উঠিছে যদিও বিৰোধী ৰাজনৈতিক দল কংগ্ৰেছত কিন্তু ব্যাপক খহনীয়া আৰম্ভ হৈছে ।
দলৰ তৃণমূল কৰ্মীৰ পৰা প্ৰাক্তন মন্ত্ৰী বিধায়কলৈকে সকলোৱে এতিয়া কংগ্ৰেছ ত্যাগ কৰি বিজেপিলৈ যোৱাৰ বাবে চেষ্টা অব্যাহত ৰাখিছে । ৰাজ্যৰ বিভিন্ন সমষ্টিৰ দৰে মৰাণতো কংগ্ৰেছ দলত ব্যাপক খহনীয়া আৰম্ভ হৈছে ।
মৰাণ সমষ্টিৰ অন্তৰ্গত পথালিবাম পঞ্চায়তৰ কমলদৈ বঙালী আৰু ৰঙাগড়া অঞ্চলৰ কংগ্ৰেছ তথা অন্য দল-সংগঠনৰ বহু সংখ্যালঘু ৰাইজে শেহতীয়াকৈ ভাৰতীয় জনতা পাৰ্টীত আনুষ্ঠানিকভাৱে যোগদান কৰে ।
এই অনুষ্ঠানত মৰাণৰ বিধায়ক চক্ৰধৰ গগৈৰ উপৰিও খোৱাং ব্লক মণ্ডলৰ সন্মানীয় ক্ষীৰোদ কুমাৰ দুৱৰা, সমষ্টিৰ বিস্তাৰক পীযুষ বাৰিক, পঞ্চায়তৰ সভাপতি সুশেন ফুকন, জিলা পৰিষদৰ সদস্যা জ্যোৎস্না কৈৰীৰ লগতে বহুকেইজন স্থানীয় ব্যক্তি উপস্থিত থাকে ।
লগতে পঢ়ক : হোটেল লিলিৰ পৰা শ্বিলং পালেগৈ বি টি আৰৰ ৰাজনীতি
