বঙাইগাঁও,১০মে' : বৃহস্পতিবাৰে বঙাইগাঁও জিলাৰ মানিকপুৰত উত্তপ্ত পৰিস্থিতিৰ সৃষ্টি হয় । জিলাখনৰ মানিকপুৰত অনুষ্ঠিত কৰা হৈছিল প্ৰিয়ংকা ভৰালীৰ এক সাংস্কৃতিক অনুষ্ঠান । গায়িকা প্ৰিয়ংকা ভৰালীয়ে নিশা গীত পৰিৱেশন কৰি থকা সময়তে কেইজনমান উদণ্ড যুৱকে মদ্যপান কৰি অনুষ্ঠানত মাৰপিটৰ ঘটনা সংঘটিত কৰি অপ্ৰীতিকৰ পৰিৱেশৰ সৃষ্টি কৰি তোলে । পাছত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে । ইফালে, মানিকপুৰত এইদৰে উদণ্ড যুৱকে মদ্যপান কৰি অপ্ৰীতিকৰ ঘটনা সংঘটিত কৰা কাৰ্যক লজ্জাজনক বুলি মন্তব্য কৰে ।
প্ৰিয়ংকা ভৰালীৰ অনুষ্ঠানত অঘটন
