বকো, 2 অক্টোবৰ: বকোৰ ২৮ নং উত্তৰ বনগাঁও ৰাভা হাছং স্বায়ত্তশাসিত পৰিষদীয় সমষ্টিৰ কাৰ্যবাহী সদস্য আদিত্য ৰাভাই শুকুৰবাৰে বকোৰ পানেৰি গাঁৱত বিভিন্ন সামগ্ৰী হিতাধিকাৰীৰ মাজত বিতৰণ কৰে ।
প্ৰায় ৮০০ৰো অধিক হিতাধিকাৰীৰ মাজত সূতা, কম্বল, হোণ্ডা মেচিন, স্প্ৰেB মেচিন, ভলীবল আৰু নেট আদি বিতৰণ কৰে । উল্লেখ্য যে, ৰাভা হাছং স্বায়ত্তশাসিত পৰিষদৰ ২০১৮-১৯ বিত্তীয় বৰ্ষৰ ধনেৰে এই সামগ্ৰীসমূহ ৰাইজৰ মাজত বিতৰণ কৰে ।
কাৰ্যবাহী সদস্য আদিত্য ৰাভাই ৰাইজক আশ্বাস প্ৰদান কৰি কয় যে, যি সকল লোকে বৰ্তমানলৈ কোনো ধৰণৰ প্ৰয়োজনীয় সামগ্ৰী লাভ কৰা নাই, তেওঁলোকক আগন্তুক বিত্তীয় বৰ্ষত প্ৰদান কৰা হ'ব ।
লগতে পঢ়ক: লিডুত ভয়ংকৰ অগ্নিকাণ্ডত জাহ গ’ল ৫ টাকৈ ঘৰ
