সৰভোগ, 2 মেঃ বৰপেটাৰ সৰভোগ আৰক্ষী থানাৰ অন্তৰ্গত কিছমৎ দ্বাৰিকাৰ ৩১নং ৰাষ্ট্ৰীয় ঘাইপথত দুৰ্ঘটনাগ্ৰস্ত হয় AS-17B-7557 নম্বৰৰ এখন মেক্সিম' গাড়ী। ধুবুৰীৰ বিলাসীপাৰাৰ পৰা নলবাৰী অসামৰিক চিকিৎসালয়ত কাম কৰাৰ বাবে শ্ৰমিক কঢ়িয়াই নিয়াৰ সময়তে কিছমৎ দ্বাৰিকাত নিয়ন্ত্ৰণ হেৰুৱাই বিদ্যুতৰ খুঁটাত খুন্দা মাৰি দ-খাৱৈত বাগৰি পৰে গাড়ীখন। ফলত আহত হয় বাৰ জনকৈ শ্ৰমিক।
সৰভোগৰ দ্বাৰিকাত ভয়াৱহ পথ দুৰ্ঘটনা, আহত বাৰ জনকৈ শ্ৰমিক
আৰু পঢ়কঃ আদালতত হাজিৰ উগ্ৰতাৰা বিগ্ৰহ চুৰিকাণ্ডৰ 6 অভিযুক্ত
আহত সকলক স্থানীয় ৰাইজে মাণিকপুৰ মহাত্মাগান্ধী আদৰ্শ চিকিৎসালয়ত ভৰ্ত্তি কৰে। ইয়াৰে চমছেৰ আলী আৰু জাহিনুৰ আলীৰ অৱস্থা সংকটজনক বুলি জানিব পৰা গৈছে ৷ ইতিমধ্যে গুৰুতৰভাবে আহত দুয়োজনকে উন্নত চিকিৎসাৰ বাবে বৰপেটা ফকৰুদ্দিন আলি আহমেদ চিকিৎসালয়লৈ প্ৰেৰণ কৰে আৰু বাকী ১০ জনক প্ৰাথমিক চিকিৎসাৰ অন্তত ঘৰলৈ যাবলৈ দিয়া হয় ৷
