বৰপেটা, 14 এপ্ৰিলঃ জনীয়াৰ কাদঙত এ আই ইউ ডি এফৰ প্ৰাৰ্থীৰ হৈ নিৰ্বাচনী প্ৰচাৰ চলাবলৈ আহি আব্দুল খালেকক বিজেপিৰ দালাল আখ্যা দিলে বৰপেটাৰ সাংসদ চিৰাজুদ্দিন আজমলে।
"আব্দুল খালেক হ'ল বিজেপিৰ দালাল, কাৰণ তেওঁ হিমন্তৰ প্ৰাৰ্থী৷ আব্দুল খালেক মমবাতি আৰু ডঃ হাফিজ ৰফিকুল ইছলাম সূৰ্য্য, কাৰণ মমবাতিয়ে কেৱল এটা ঘৰত পোহৰ দিয়ে আৰু সূৰ্য্যই সকলোতে পোহৰ দিয়ে৷ " জনীয়া সমষ্টিৰ কাদঙত বৰপেটাৰ এ আই ইউ ডি এফৰ প্ৰাৰ্থী হাফিজ ৰফিকুল ইছলামৰ হৈ নিৰ্বাচনী প্ৰচাৰত অংশ গ্ৰহণ কৰি সাংবাদিকৰে হোৱা সাক্ষাৎকাৰত এই মন্তব্য কৰে বৰপেটাৰ সাংসদ ছিৰাজ উদ্দীন আজমলে৷ লগতে সভাত কংগ্ৰেছ দলকো তীব্ৰ সমালোচনা কৰে সাংসদ গৰাকীয়ে৷
উল্লেখ্য যে, দেওবাৰে কাদঙত হেলিকপ্টাৰেৰে উপস্থিত হয় ছিৰাজ উদ্দীন আজমলৰ লগতে এ আই ইউ ডি এফ নেতা চম্পক কলিতা, বীণা দৈমাৰী আৰু বৰপেটাৰ প্ৰাৰ্থী ডঃ হাফিজ ৰফিকুল ইছলাম৷
