জোনাই, ১১ জুন: ধেমাজি জিলাৰ জোনাই মহকুমাৰ কোৱাৰেণ্টাইন শিবিৰত বৃহস্পতিবাৰে পুনৰ ৫ জন যুৱকৰ দেহত ধৰা পৰিছে কৰ'ণা ভাইৰাছৰ উপস্থিতি । আক্ৰান্ত যুৱকেইজনৰ ঘৰ চিমেন চাপৰি,বেৰা জলডুবি আৰু জোনাইত বুলি জানিব পৰা গৈছে ৷
উল্লেখ্য যে,আক্ৰান্ত যুৱকেইজনে ১ জুন তাৰিখে গোৱাৰ পৰা আহি জোনাইৰ মূৰ্কংচেলেক মহাবিদ্যালয়ৰ কোৱাৰেণ্টাইন শিবিৰত আছিল ৷ ইতিমধ্যে ৫ জনক উন্নত চিকিৎসাৰ বাবে চিলাপথাৰ আদৰ্শ চিকিৎসালয়লৈ প্ৰেৰণ কৰা হৈছে ৷ সম্প্ৰতি জোনাইত কোভিড-১৯ত আক্ৰান্তৰ সংখ্যা ৩১ জনলৈ বৃদ্ধি পাইছে ৷ লগতে সমগ্ৰ ধেমাজিত আক্ৰান্তৰ সংখ্যা ৮২ জনলৈ বৃদ্ধি পোৱা বুলি জানিবলৈ দিয়ে জিলা প্ৰশাসনে ।
লগতে পঢ়ক: বাঘজান ঘটনা সন্দৰ্ভত বন মন্ত্ৰী পৰিমল শুক্লবৈদ্যৰ প্ৰতিক্ৰিয়া
