নিউজ ডেস্ক , 30 ছেপ্টেম্বৰ : মণিপুৰত সংঘটিত এক বিস্ফোৰণৰ ঘটনাত দুই ভাতৃয়ে মৃত্যুক সাৱটি লৈছে ৷ মণিপুৰৰ সীমান্তৱৰ্তী চহৰ(Manipur’s border town) মোৰে (Moreh) অঞ্চলত 29 ছেপ্টেম্বৰত এই বোমা বিস্ফোৰণৰ ঘটনাটো সংঘটিত হৈছিল ৷ আশ্বৰ্যকৰ কথাটো হ'ল এয়ে যে, উক্ত বোমাটো দ্বিতীয় বিশ্বযুদ্ধৰ(World War-II era) সময়ৰ বুলি সন্দেহ প্ৰকাশ কৰা হৈছে ৷
বহুতে সন্দেহ প্ৰকাশ কৰিছে যে, 29 ছেপ্টেম্বৰত বিস্ফোৰণ হোৱা বোমাটো দ্বিতীয় বিশ্বযুদ্ধৰ সময়তে পুতি থোৱা হৈছিল ৷ প্ৰাপ্ত তথ্য অনুসৰি, ভাৰত-ম্যানমাৰ সীমান্তৱৰ্তী মোৰেৰ 9 নং ৱাৰ্ডৰ অন্তৰ্গত Gangte Veng নামৰ অঞ্চলত এই ঘটনা সংঘটিত হৈছে ৷ দুই ভাতৃয়ে ঘৰৰ পিছফালে আৱৰ্জনা পেলোৱাৰ উদ্দেশ্যে এটা গাঁত খনন কৰি থকা অৱস্থাত এই বিস্ফোৰণৰ ঘটনাটো সংঘটিত হয় ৷
গাঁতটো খনন কৰি থকা অৱস্থাতে হোৱা বিস্ফোৰণৰ ফলতে দুই ভাতৃয়ে মৃত্যুক সাৱটি লয় ৷ নিহত ভাতৃদ্বয়ক Lalsangmuon Gangte আৰু Lienkhogin Gangte বুলি চিনাক্ত কৰা হৈছে ৷
লগতে পঢ়ক : Ringdi নদীত বাগৰি পৰিল যাত্ৰীবাহী বাছ : চাৰিজনৰ মৃত্যু
