প্ৰয়াত স্বতন্ত্ৰ ৰেল ৰাজ্যমন্ত্ৰী সুৰেশ আংগাড়ীৰ বাস গৃহত অমিত শ্বাহ

কৰ্ণাটক ভ্ৰমণলৈ অহা কেন্দ্ৰীয় গৃহ মন্ত্ৰী অমিত শ্বাহে বেলগামৰ বিজেপি নেতা তথা প্ৰয়াত স্বতন্ত্ৰ ৰেল ৰাজ্যমন্ত্ৰী সুৰেশ আংগাড়ীৰ পৰিয়ালক সাক্ষাৎ কৰে । প্ৰয়াত সুৰেশ আংগাড়ীৰ বাসগৃহত কেন্দ্ৰীয় গৃহ মন্ত্ৰী গৰাকীৰ লগতে কৰ্ণাটকৰ মুখ্যমন্ত্ৰী বি এছ য়েডিয়ুৰপ্পাও উপস্থিত থাকে ৷ লগতে উপস্থিত থাকে বিজেপিৰ বহু কেইগৰাকী নেতা কৰ্মীও ৷

নিউজ ডেস্ক, 17 জানুৱাৰী : প্ৰয়াত স্বতন্ত্ৰ ৰেল ৰাজ্যমন্ত্ৰী সুৰেশ আংগাড়ীৰ ঘৰত উপস্থিত হয় কেন্দ্ৰীয় গৃহ মন্ত্ৰী অমিত শ্বাহ ৷ কৰ্ণাটক ভ্ৰমণত থকা কেন্দ্ৰীয় গৃহ মন্ত্ৰী অমিত শ্বাহে যোৱা প্ৰয়াত মন্ত্ৰী গৰাকীৰ পৰিয়াক সাক্ষাৎ কৰে ৷ ছেপ্টেম্বৰত COVID-19 মহামাৰীৰ ফলত মৃত্যুক সাৱতি লৈছিল বেলগামৰ স্বতন্ত্ৰ ৰেল ৰাজ্যমন্ত্ৰী সুৰেশ আংগাড়ী ৷ সেই হেতুকে দেওবাৰে কেন্দ্ৰীয় গৃহ মন্ত্ৰী অমিত শ্বাহে প্ৰয়াত সুৰেশ আংগাড়ীৰ পৰিয়ালৰ সদস্যসকলক সাক্ষাৎ কৰাৰ লগতে তেখেতলৈ শ্ৰদ্ধা নিবেদন কৰে ৷ কেন্দ্ৰীয় গৃহমন্ত্ৰী গৰাকীৰ লগতে কৰ্ণাটকৰ মুখ্যমন্ত্ৰী বি এছ য়েডিয়ুৰপ্পাইও প্ৰয়াত মন্ত্ৰী গৰাকীক শ্ৰদ্ধাঞ্জলি জ্ঞাপন কৰে ৷

বিজেপি নেতা গৰাকীৰ মৃত্যুত গভীৰ শোক প্ৰকাশ কৰে কেন্দ্ৰীয় গৃহমন্ত্ৰী গৰাকীয়ে ৷ অমিত শ্বাহৰ লগতে ৰাজ্যিক বিজেপিৰ ভাৰপ্ৰাপ্ত বিষয়া অৰুণ সিং, কেন্দ্ৰীয় মন্ত্ৰী প্ৰহ্লাদ যোশী আৰু ৰাজ্যিক বিজেপিৰ সভাপতি নলিনী কুমাৰ কেটিলো উপস্থিত থাকে ৷

লগতে পঢ়ক :সাহিত্য অকাডেমীৰ ভাষাৰ বঁটা প্ৰাপক বিদৰ ছিং ক্ৰ’ৰ দেহাৱসান