নিউজ ডেস্ক, ১ ডিচেম্বৰ : শুকুৰবাৰে ঝাৰখণ্ডৰ হাজাৰিবাগ জিলাত কেন্দ্ৰীয়ভাৱে অনুষ্ঠিত হয় বিএছএফৰ প্ৰতিষ্ঠা দিৱসৰ কাৰ্যসূচী । বিএছএফৰ ৫৯ সংখ্যক প্ৰতিষ্ঠা দিৱসত অংশগ্ৰহণ কৰে কেন্দ্ৰীয় গৃহমন্ত্ৰী অমিত শ্বাহে । তেওঁ তাত কৰ্তব্যৰত অৱস্থাত দেশৰ বাবে নিজকে বলিদান দিয়া সীমান্ত সুৰক্ষা বাহিনীৰ জোৱানসকললৈ শ্ৰদ্ধাঞ্জলি জ্ঞাপন কৰে । উল্লেখ্য যে প্ৰায় ২.৫ লাখ জোৱানৰ শক্তিৰে বিশ্বৰ সৰ্ববৃহৎ সীমান্ত ৰক্ষী বাহিনী বিএছএফে প্ৰতি বছৰে ১ ডিচেম্বৰত ইয়াৰ প্ৰতিষ্ঠা দিৱস উদযাপন কৰে ।
ভাৰত-পাকিস্তান আৰু ভাৰত-বাংলাদেশ সীমান্ত সুৰক্ষাৰ বাবে সমৰ্পিত বিএছএফ হৈছে যুদ্ধকালীন আৰু লগতে শান্তিকালীন ভূমিকাৰ সৈতে এক সুস্পষ্টভাৱে নিৰ্ধাৰিত ৰাষ্ট্ৰৰ একমাত্ৰ শক্তি । বিএছফে যুদ্ধ আৰু শান্তিৰ সময়ত তেওঁলোকক প্ৰদান কৰা প্ৰতিটো কাম সফলতাৰে সমাপন কৰিছে আৰু সীমান্তত শান্তি-শৃংখলা নিশ্চিত কৰিছে ।
-
हजारीबाग (झारखंड) में बीएसएफ के 59वें स्थापना दिवस परेड समारोह से लाइव… https://t.co/l2wogkfJpc
— Amit Shah (@AmitShah) December 1, 2023 " class="align-text-top noRightClick twitterSection" data="
">हजारीबाग (झारखंड) में बीएसएफ के 59वें स्थापना दिवस परेड समारोह से लाइव… https://t.co/l2wogkfJpc
— Amit Shah (@AmitShah) December 1, 2023हजारीबाग (झारखंड) में बीएसएफ के 59वें स्थापना दिवस परेड समारोह से लाइव… https://t.co/l2wogkfJpc
— Amit Shah (@AmitShah) December 1, 2023
আটাইতকৈ প্ৰত্যাহ্বানপূৰ্ণ ভূখণ্ড আৰু দূৰৱৰ্তী স্থানত নিয়োজিত বিএছএফে পাকিস্তান আৰু বাংলাদেশৰ সৈতে ভাৰতৰ সীমাত অভিভাৱক হিচাপে কাম কৰি আহিছে । ১৯৬৫ চনলৈকে পাকিস্তানৰ সৈতে থকা ভাৰতৰ সীমান্ত ৰাজ্যিক সশস্ত্ৰ আৰক্ষী বেটেলিয়নে পৰিচালনা কৰিছিল । ১৯৬৫ চনৰ ৯ এপ্ৰিলত পাকিস্তানে কচ্ছৰ চৰ্দাৰ পোষ্ট, চাৰ বেট আৰু বেৰিয়া বেটত আক্ৰমণ কৰে ।
এই আক্ৰমণৰ ফলত সশস্ত্ৰ আক্ৰমণৰ সৈতে যুঁজিবলৈ ৰাজ্যিক সশস্ত্ৰ আৰক্ষীৰ অপাৰগতা উন্মোচিত হয় । ফলত ভাৰত চৰকাৰে এক বিশেষ কেন্দ্ৰীয় নিয়ন্ত্ৰিত সীমান্ত সুৰক্ষা বাহিনীৰ প্ৰয়োজনীয়তা অনুভৱ কৰে, যাক পাকিস্তানৰ সৈতে আন্তঃৰাষ্ট্ৰীয় সীমান্ত মোকাবিলা কৰিবলৈ সশস্ত্ৰ আৰু প্ৰশিক্ষণ দিয়া হ'ব । সচিব সমিতিৰ পৰামৰ্শৰ ফলস্বৰূপে ১৯৬৫ চনৰ ১ ডিচেম্বৰত সীমান্ত সুৰক্ষা বাহিনী গঠন হয় ।
আৰম্ভণিতে ১৯৬৫ চনত বিএছএফ ২৫ টা বেটেলিয়নেৰে আত্মপ্ৰকাশ কৰিছিল । সময়ৰ লগে লগে পঞ্জাব, জম্মু-কাশ্মীৰ আৰু উত্তৰ-পূৰ্বাঞ্চলত সন্ত্ৰাসবাদৰ বিৰুদ্ধে যুঁজিবলৈ ৰাষ্ট্ৰৰ প্ৰয়োজনীয়তা অনুসৰি সম্প্ৰসাৰিত কৰা হয় । বৰ্তমান বিএছএফত পাকিস্তান আৰু বাংলাদেশৰ সৈতে আন্তঃৰাষ্ট্ৰীয় সীমান্তত পহৰা দি থকা ১৯২ টা (তিনিটা এনডিআৰএফসহ) বেটেলিয়ন আৰু সাতটা বিএছএফ আৰ্টিলাৰী ৰেজিমেণ্ট আছে ।
তদুপৰি, বিএছএফে কাশ্মীৰ উপত্যকাত অনুপ্ৰৱেশ-বিৰোধী ভূমিকা, উত্তৰ-পূৰ্বাঞ্চলত বিদ্ৰোহ-বিৰোধী, ওড়িশা আৰু ছত্তীশগড়ত নক্সালবিৰোধী অভিযান আৰু পাকিস্তান আৰু বাংলাদেশ আন্তঃৰাষ্ট্ৰীয় সীমান্তত একত্ৰিত চেকপোষ্টৰ নিৰাপত্তাৰ ক্ষেত্ৰতো মহান ভূমিকা পালন কৰি আছে ।
লগতে পঢ়ক :আলীগড় মুছলিম বিশ্ববিদ্যালয়ত স্থাপন হ'ব লোকপিয়ল তথ্য গৱেষণা কৰ্মকেন্দ্ৰ
