নিউজ ডেস্ক, 4 ডিচেম্বৰ: এজন ব্যক্তিয়ে দুগৰাকী বা ততোধিক মহিলাক বিয়া কৰোৱা দেখিছে অথবা শুনিছে ৷ অথবা এগৰাকী মহিলাই কেইবাগৰাকীও পুৰুষলৈ বিয়া হৈ যোৱাও আপুনি দেখিছে ৷ কিন্তু আজি আমি আপোনালোকক এনে এখন বিবাহ দেখুৱাম যি দেখি আপুনিও হয়তো আচৰিত হৈ পৰিব ৷ হয়, মহাৰাষ্ট্ৰৰ চলাপুৰ জিলাৰ এখন বিবাহে এতিয়া দেশজুৰি লাভ কৰিছে ব্যাপক চৰ্চা ৷ সামাজিক মাধ্যমতো ইতিমধ্যে ভাইৰেল হৈ পৰিছে এই বিশেষ বিয়াখনৰ কিছু দৃশ্যাংশ ৷
এতিয়া আহিছো মূল প্ৰসংগলৈ ৷ দৰা এজনেই কিন্তু কইনা দুগৰাকী ৷ কিন্তু আচৰিত হ’ব লগা কথাটো হ’ল যে দৰাজনে বিয়া কৰোৱা দুয়োগৰাকী কইনাই যমজ ভগ্নী(twin sisters marry same man) ৷ পিংকী আৰু ৰিংকী নামৰ দুয়োগৰাকী যমজ ভগ্নী কৰ্মৰত IT ইঞ্জিনিয়াৰ হিচাপে আৰু দুয়োগৰাকী ভগ্নীয়েই একে দিনাই বিবাহপাশত আবদ্ধ হ’ল অতুল নামৰ যুৱকজনৰ সৈতে ৷
উল্লেখ্য যে কিছুদিন পূৰ্বে মৃত্যু হৈছিল পিংকী আৰু ৰিংকীৰ পিতৃৰ ৷ তাৰ পিছৰে পৰা মাতৃৰ সৈতে আছিল দুয়ো ৷ হঠাৎ দুই ভগ্নীৰ মাতৃ অসুস্থ হৈ পৰাত চিকিৎসালয়লৈ অতুল নামৰ যুৱকজনৰ সৈতে গাড়ীৰে অহা যোৱা কৰিছিল ৷ তেতিয়াই দুই যমজভগ্নী প্ৰেমত পৰিছিল অতুলৰ ৷ লাহে লাহে অতুলৰ সৈতে দুই ভগ্নীৰ সম্পৰ্ক অতি গভীৰ হৈ পৰিল আৰু অৱশেষত অতুলৰ সৈতে যমজ ভগ্নীয়ে বিবাহ পাশত আবদ্ধ হোৱাৰ সিদ্ধান্ত গ্ৰহণ কৰিলে((marrying twin sisters together) ৷ অৱশেষত, সমাজক সাক্ষী কৰি 2 ডিচেম্বৰত বিবাহ সম্পন্ন হ’ল তিনিওৰে ৷
বিবাহ অনুষ্ঠানৰ ভিডিঅ’ সামাজিক মাধ্যমত ভাইৰেল হৈ পৰাৰ পিছতে মহাৰাষ্ট্ৰ আৰক্ষীয়ে ভাৰতীয় দণ্ডবিধি 494 ধাৰাত এক গোচৰ ৰুজু কৰি আটক কৰিছে দৰা অতুলক(Groom booked for marry twin sister) ৷
