নেশ্যনেল ডেস্ক, 24 জুন : আকৌ ৰে’ল দুৰ্ঘটনা ৷ প্ৰায় এটা মাহ পূৰ্বে সংঘটিত হোৱা ওড়িশাৰ ৰে’ল দুৰ্ঘটনাৰ উত্তেজনা মাৰ নৌযাওঁতেই পুনৰ সংঘটিত হৈছে আন এক ৰে’ল দুৰ্ঘটনা ৷ এইবাৰ পশ্চিমবংগত সংঘটিত হৈছে এই ৰে’ল দুৰ্ঘটনাটো ৷ দেওবাৰে পুৱা প্ৰায় 4 বজাত সংঘটিত হোৱা এই ৰে’ল দুৰ্ঘটনাত কেবাজনো লোক আহত হোৱা বুলি জানিব পৰা গৈছে ৷ শেহতীয়া তথ্য অনুসৰি, এই ৰে’ল দুৰ্ঘটনাত কোনো লোকৰ মৃত্যু হোৱাৰ তথ্য পোহৰলৈ অহা নাই ৷
জানিব পৰা মতে, দেওবাৰে পুৱা 4 বজাত পশ্চিমবংগৰ বাংকুৰাৰ ওণ্ডা ষ্টেচন পাৰ হৈ নিৰ্দিষ্ট স্থানৰ অভিমুখে গতি কৰিছিল এখন মালবাহী ৰে’লে ৷ তেনে সময়তে ওণ্ডা ষ্টেচন পাৰ হৈ যোৱা মালবাহী ৰে’লখনক অতি জোৰেৰে পিচফালৰ পৰা খুন্দা মাৰে অন্য এখন মালবাহী ৰে’লে ৷ এই ৰে’ল দুৰ্ঘটনাটো ইমানেই ভয়াৱহ আছিল যে দুখন মালবাহী ৰে’লৰ সংঘৰ্ষত এখন মালবাহী ৰে’লৰ 12 টা ডবা লাইনচ্যুত হৈ কাষতে পৰি যায় ৷ এই ভয়াৱহ ৰে’ল দুৰ্ঘটনাৰ ফলত এখন মালবাহী ৰে’লৰ চালকজন গুৰুতৰভাৱে আহত হয় ৷
লগতে পঢ়ক : Odisha train crash : ১৯৮১ চনৰ পৰা ভাৰতত কিমান ৰে’ল দুৰ্ঘটনা সংঘটিত হ’ল, জানো আহক...
