নেশ্যনেল ডেস্ক, 11 জুন : পশ্চিম বংগৰ মুৰ্ছিদাবাদ জিলাত কংগ্ৰেছ নেতাৰ হত্যাকাণ্ডৰ অভিযোগত অব্যাহত থকা প্ৰতিবাদৰ সময়ত তৃণমূল কংগ্ৰেছৰ এগৰাকী কৰ্মীৰ পৰা উদ্ধাৰ কৰা হয় এটা পিষ্টল ৷ উক্ত অভিযোগৰ ভিত্তিতেই গ্ৰেপ্তাৰ কৰা হয় তৃণমূল কংগ্ৰেছৰ নেতাজনক ( TMC leader arrested with gun in West Bengal) ।
মনোনয়ন পত্ৰৰ বাবে দলীয় প্ৰাৰ্থীৰ মাজত তীব্ৰ মতানৈক্য দেখিবলৈ পোৱা গৈছে জিলাখনত ৷ 8 জুলাইৰ পৰা আৰম্ভ হ’ব পঞ্চায়ত নিৰ্বাচন ৷ পঞ্চায়ত নিৰ্বাচনৰ বাবে মনোনয়ন দাখিল কৰাৰ দিনটোতেই পশ্চিমবংগৰ বিভিন্ন স্থানত দেখিবলৈ পোৱা গৈছিল ৰাজনৈতিক অস্থিৰতা ৷ বিভিন্ন জিলাত ৰাজনৈতিক সংঘৰ্ষ হোৱাৰ খবৰ ওলোৱা পৰিলক্ষিত হৈছে । প্ৰায়বোৰ ঠাইতে শাসকীয় দলৰ বিৰুদ্ধে আক্ৰমণৰ অভিযোগ উত্থাপন কৰিছে বিৰোধীয়ে । এইবাৰ মনোনয়নক লৈ তৃণমূল কংগ্ৰেছৰ আভ্যন্তৰীণ সংঘাতে দেখা দিয়ে (Trinamool congress news) ৷
সংঘাতৰ সৈতে জড়িত থকাৰ অভিযোগত শাসকীয় দলৰ 3 জনকৈ লোকক গ্ৰেপ্তাৰ কৰা হয় । তৃণমূল কংগ্ৰেছৰ সূত্ৰই জানিবলৈ দিয়া অনুসৰি গ্ৰেপ্তাৰ কৰা লোকসকল ভাৰতপুৰ তৃণমূলৰ বিধায়ক হুমায়ুন কবীৰৰ অনুগামী । উল্লেখ্য যে, মনোনয়ন প্ৰদানৰ প্ৰথম দিনটোত অৰ্থাৎ শুকুৰবাৰে ভাৰতপুৰত তৃণমূল ব্লকৰ সভাপতিৰ সমৰ্থকক আক্ৰমণ কৰাৰ অভিযোগ উত্থাপন হৈছিল । 24 ঘণ্টাৰ ভিতৰতে সেই ঘটনাৰ সৈতে জড়িতৰ সন্দেহত 3 জন লোকক গ্ৰেপ্তাৰ কৰা হয় (Bengal panchayat polls) ।
গ্ৰেপ্তাৰ হোৱা লোককেইজন আব্দুল আজিজ মিৰ্জা ওৰফে ভূটাৰ, ফিৰোজ শ্বেখ ওৰফে তপন আৰু ৰোহন শ্বেখ । ধৃত লোককেইজন অঞ্চলটোৰ বিধায়ক হুমায়ুন কবীৰৰ ঘনিষ্ঠ বুলি জানিব পৰা গৈছে । ইয়াৰ ভিতৰত আব্দুল ভাৰতপুৰ পঞ্চায়ত সন্থাৰ খাদ্য কাৰ্যবাহী, ফিৰোজ কাৰ্যবাহী আৰু ৰোহন তৃণমূল কৰ্মী বুলি জানিবলৈ পৰা গৈছে ।
স্মৰ্তব্য যে, শুকুৰবাৰে তৃণমূলৰ দলীয় সংঘৰ্ষত উত্তপ্ত হৈ পৰে ছালাৰ । অভিযোগ অনুসৰি স্থানীয় বিধায়কগৰাকীৰ সমৰ্থক আৰু তৃণমূল ব্লকৰ সভাপতিৰ মাজত সৃষ্টি হয় এই সংঘৰ্ষৰ । এই সংঘৰ্ষৰ ফলত কমেও 15 জন লোক আহত হয় বুলি জানিবলৈ পৰা গৈছে । ইতিমধ্যে দুয়োপক্ষই কেইবাজনো লোকৰ বিৰুদ্ধে গোচৰ ৰুজু হৈছিল। এই তিনিজন লোকক গ্ৰেপ্তাৰ সন্দৰ্ভত ভাৰতপুৰৰ বিধায়কগৰাকীয়ে জেলৰ পৰাই নিৰ্বাচনত অৱতীৰ্ণ হ'ব বুলি জানিবলৈ দিয়ে (Violence rages in Murshidabad) ।
মন কৰিবলগীয়া যে, পাঁচশৰো অধিক তৃণমূল কৰ্মকৰ্তাই বহাৰমপুৰ মুৰ্ছিদাবাদ কংগ্ৰেছত যোগদান কৰে ৷
লগতে পঢ়ক : Bhupen Borah slams BJP : ডিমা হাছাওত চৰকাৰী পৃষ্ঠপোষকতাত চলিছে ছিণ্ডিকেট; ভূপেন বৰা
