নেশ্যনেল ডেস্ক,৩ জুলাই : তাজমহল মন্দিৰ নে সমাধি ? এই বিষয়টোক লৈ শেহতীয়াকৈ দেশত হুলস্থূলৰ সৃষ্টি হৈছে (Controversy over Taj Mahal)। বিষয়টো আদালতৰ মজিয়ালৈও গৈছে । বিভিন্ন স্থানত এই সন্দৰ্ভত প্ৰতিবাদ হৈ থকাৰ মাজতে ভাৰতীয় পুৰাতাত্ত্বিক জৰীপ (ASI)য়ে তাজমহলৰ ভিতৰৰ ২২ টা বন্ধ কোঠাত হিন্দু দেৱ-দেৱীৰ মূৰ্তি থকাৰ কথা স্পষ্টভাৱে অস্বীকাৰ কৰিছে ।
এএছআইয়ে এটা আৰটিআইৰ প্ৰতিক্ৰিয়াত নিজৰ স্থিতি স্পষ্ট কৰিছে । কৰ্তৃপক্ষৰ মতে, মন্দিৰৰ ভূমিত তাজমহল নিৰ্মাণ কৰা হোৱা নাই । অৱশ্যে, পূৰ্বেও এই সন্দৰ্ভত একেটাই স্পষ্টীকৰণ দিছিল এএছআইয়ে । ইফালে তাজমহলৰ বন্ধ কোঠা খোলাৰ বাবেও দাবী উত্থাপন হৈছে । অযোধ্যাৰ বিজেপিৰ মিডিয়া ভাৰপ্ৰাপ্ত ড৹ ৰজনীশ সিঙে ২০২২ চনৰ ৭ মে'ত উচ্চ ন্যায়ালয়ৰ লক্ষ্ণৌ বিচাৰপীঠত এখন আবেদন দাখিল কৰিছিল ।
আৱেদনত তাজমহলৰ ভিতৰতত ২২ টা বন্ধ কোঠা খোলাৰ দাবী জনোৱা হৈছিল (BJP leader appeals to open 20 rooms of Taj Mahal)। আশংকা কৰা হৈছিল যে তাজমহলৰ বন্ধ কোঠাবোৰত হিন্দু-দেৱ-দেৱীৰ মূৰ্তি আছে । গতিকে ইয়াৰ ৰহস্য সকলোৰে ওচৰলৈ ওলাই আহিব লাগে । ১২ মে'ত আৱেদনৰ শুনানি গ্ৰহণ কৰি উচ্চ ন্যায়ালয়ে আৱেদনখন খাৰিজ কৰিছিল ।
তাজমহলৰ উক্ত বিষয়টোক লৈ প্ৰতিবাদ হৈ থকাৰ মাজতে তৃণমূল কংগ্ৰেছৰ ৰাষ্ট্ৰীয় মুখপাত্ৰ সাকেত এছ গোখলেয়ে ২০ জুনত এএছআইৰ ওচৰত এটা আৰটিআই দাখিল কৰিছিল । য'ত তেওঁ এএছআইৰ পৰা দুটা বিষয়ে জানিব বিচাৰিছিল । প্ৰথম প্ৰশ্নটোত সোধা হৈছিল যে তাজমহল যি ভূমিত নিৰ্মাণ কৰা হৈছে সেইভূমি মন্দিৰৰ হয় নে নহয় ? ইয়াৰ প্ৰমাণ দিবলৈ তেওঁ এএছআইক দাবী জনাইছিল । দ্বিতীয়তে তাজমহলৰ বন্ধ ২২ টা কোঠাত হিন্দু দেৱ-দেৱীৰ মূৰ্তি আছিল নেকি বুলি তেওঁ প্ৰশ্ন কৰিছিল ।
তৃণমূল কংগ্ৰেছৰ ৰাষ্ট্ৰীয় মুখপাত্ৰ সাকেত এছ গোখলেৰ এই আৰটিআই প্ৰশ্নৰ উত্তৰ এএছআইয়ে এক লাইনতে দিছে (TMC leader on Taj mahal controversy)। উত্তৰটো এএছআইৰ জনসম্পৰ্ক বিষয়া মহেশ চান্দ মীনাই দিছে । প্ৰথম প্ৰশ্নটোৰ উত্তৰত, তেওঁ মাত্ৰ 'নহয়' বুলি লিখিছে । অৰ্থাৎ, তাজমহল মন্দিৰৰ ভূমিত নিৰ্মাণ কৰা হোৱা নাই । দ্বিতীয় প্ৰশ্নটোৰ উত্তৰত তাজমহলত হিন্দু দেৱ-দেৱীৰ কোনো মূৰ্তি নাই বুলি উল্লেখ কৰিছে ।
লগতে পঢ়ক :True or fake Ram Rahim: হাৰিয়ানা উচ্চ ন্যায়ালয়ত ৰাম ৰহিমৰ শুনানি
