নিউজ ডেস্ক, 13 মে’: বিজেপি শিবিৰত জোকাৰণিৰ সৃষ্টি কৰি ২০২৩ চনৰ কৰ্ণাটক বিধানসভা নিৰ্বাচনৰ ফলাফলত নিৰংকুশ সংখ্যা গৰিষ্ঠতা লাভ কৰিবলৈ সক্ষম হ’ল কংগ্ৰেছ দল ৷ এতিয়া কৰ্ণাটকৰ পৰৱৰ্তী মুখ্যমন্ত্ৰীৰ সম্ভাব্য মুখৰ ওপৰত জল্পনা-কল্পনা আৰম্ভ হৈছে । এটা প্ৰশ্ন উত্থাপন হৈছে যে, পৰৱৰ্তী মুখ্যমন্ত্ৰী কোন হ’ব ? পুৰণি ৰণুৱা ঘোঁৰা সিদ্দাৰমাইয়া নে নিষ্ঠাবান সেনাপতি ডি কে শিৱকুমাৰ ? যদিও প্ৰথম বাধা শেষ হৈছে, তথাপিও বিজয়ী দলটোৰ বাবে মুখ্যমন্ত্ৰী পদৰ সন্ধান কঠিন হ’ব পাৰে (Karnataka election 2023) ।
দলটোৰ মুখ্যমন্ত্ৰী পদক লৈ উদ্ভৱ হ’ব পৰা দোদুল্যমান পৰিস্থিতিৰ কথা স্পষ্ট হৈ পৰিছিল যেতিয়া সিদ্দাৰমাইয়াৰ নাম ট্ৰেক ৰেকৰ্ড থকাৰ পিচতো মুখ্যমন্ত্ৰীৰ পদৰ বাবে প্ৰক্ষেপ কৰা নাছিল । প্ৰতিদ্বন্দ্বী প্ৰাৰ্থীৰ বিৰুদ্ধে এক লাখৰো অধিক ভোটত শিৱ কুমাৰৰ জয়লাভে মুখ্যমন্ত্ৰী পদৰ প্ৰাৰ্থীৰ বাবে তেওঁক প্ৰথম পছন্দ কৰি তুলিব বুলি ভবাৰ থল আছে (Karnataka election 2023 result) ।
২০১৩ চনৰ পৰা ২০১৮ চনলৈকে পাঁচ বছৰ কৰ্ণাটকৰ মুখ্যমন্ত্ৰী হিচাবে কাৰ্যনিৰ্বাহ কৰিছিল সিদ্দাৰমাইয়াই ৷ দলটোৰ লগতে ইয়াৰ বাহিৰৰ বহুতেই তেওঁক পৰৱৰ্তী যুক্তিসংগত বিকল্প হিচাবে গ্ৰহণ কৰে । কিন্তু গান্ধী পৰিয়ালৰ সৈতে ঘনিষ্ঠতাৰ বাবে পৰিচিত কংগ্ৰেছৰ আনুগত্যবাদী কৰ্ণাটক প্ৰদেশ কংগ্ৰেছ কমিটীৰ সভাপতি ডি কে শিৱকুমাৰ সিদ্দাৰমাইয়াৰ বাবে প্ৰত্যাহ্বান হৈ পৰিব পাৰে (Siddaramaiah son claims cm post in Karnataka)।
শনিবাৰে বোম্মাইয়ে পৰাজয় স্বীকাৰ কৰাৰ আগতেই সিদ্দাৰমাইয়াৰ পুত্ৰ যতীন্দ্ৰই শীৰ্ষ পদৰ বাবে পিতৃক পছন্দ কৰা বুলি ৰাজহুৱাভাৱে প্ৰকাশ কৰে । এক চতুৰ্থাংশৰ পৰা জল্পনা-কল্পনাৰ মতে, এইটোৱেই তেওঁৰ শেষ মুখ্যমন্ত্ৰী নিৰ্বাচন হ’ব বুলি ঘোষণা কৰা চিদ্দাৰমাইয়াই কংগ্ৰেছৰ সমৰ্থন লাভ কৰিব পাৰে । সিদ্দাৰমাইহতকৈ ১৪ বছৰ সৰু ডি কে শিৱকুমাৰৰ উত্থানে নতুন দিল্লীৰ দলৰ ডাঙৰ ডাঙৰ নেতাসকলৰো দৃষ্টি আকৰ্ষণ কৰিছে (Chief Minister race in Karnataka) ।
দলৰ বহুতৰে মতে, এজন চতুৰ আৰু জনপ্ৰিয় নেতা ডি কে শিৱকুমাৰক শীৰ্ষ পদটো দিব পাৰি । কিন্তু তেওঁৰ বিৰুদ্ধে আছে কিছুমান বিশেষ কাৰক ৷ তেওঁৰ বিৰুদ্ধে দুৰ্নীতিৰ অভিযোগৰ থকাৰ বাবে কিছু প্ৰত্যাহ্বান আহিব পাৰে । ধন ৰপ্তানি আৰু কৰ ফাঁকিৰ অভিযোগত তেওঁ তিহাৰ কাৰাগাৰত প্ৰায় ১০৪ দিন অতিবাহিত কৰা কথাটো তেওঁৰ মুখ্যমন্ত্ৰী হোৱাৰ পথৰ হেঙাৰ হ’ব পাৰে (Chief Minister Race in Congress Party)।
লগতে পঢ়ক: Karnataka results 2023 : নৱনিৰ্বাচিত বিধায়কক সুৰক্ষা দিবলৈ বিকল্প পৰিকল্পনা কংগ্ৰেছৰ
কংগ্ৰেছে আশংকা কৰিছে যে, যদিও শিৱকুমাৰ বৰ্তমান জামিনত আছে ৷ কিন্তু যদি তেওঁক মুখ্যমন্ত্ৰী কৰা হয়, তেন্তে বিজেপি নেতৃত্বাধীন কেন্দ্ৰই তেওঁৰ বিৰুদ্ধে গোচৰবোৰ ত্বৰান্বিত কৰিব পাৰে । বিজয়ৰ লগে লগে, আবেগিকভাৱে শিৱকুমাৰে সংবাদ মাধ্যমক সম্বোধন কৰি ছোনিয়া গান্ধীয়ে কেনেকৈ তেওঁক কাৰাগাৰত লগ কৰিবলৈ আহিছিল সেয়া মনত পেলায় (Karnataka assembly election 2023 result) ।
