মুম্বাইত আয়োজিত নীতা-মুকেশ আম্বানী সাংস্কৃতিক কেন্দ্ৰৰ উদ্বোধনী কাৰ্যসূচীত অংশগ্ৰহণ কৰিবলৈ শুকুৰবাৰে আমেৰিকাৰ পৰা ভাৰতত উপস্থিত হয় বলীউডৰ ‘দেশী গাৰ্ল’ প্ৰিয়ংকা চোপ্ৰা । একে সময়তে যেতিয়া কলিনা বিমানবন্দৰত প্ৰিয়ংকা চোপ্ৰাই কন্যা মালতী মেৰী চোপ্ৰা জোনাছ আৰু স্বামী নিক জোনাছৰ সৈতে মুম্বাইৰ ভাৰতত প্ৰৱেশ কৰিছিল তেতিয়া ছ’চিয়েল মিডিয়াত আলোড়নৰ সৃষ্টি কৰিছিল ।
প্ৰিয়ংকাৰ ভাৰতলৈ অহাৰ খবৰ জুইৰ দৰে বিয়পি পৰিছিল সমগ্ৰ বলীউডত । আনহাতে, নিশা নীতা-মুকেশ আম্বানী সাংস্কৃতিক কেন্দ্ৰৰ অনুষ্ঠানত প্ৰিয়ংকা চোপ্ৰাক দেখিবলৈ পোৱা গ'ল । ইয়াত প্ৰিয়ংকা চোপ্ৰাক এক আকৰ্ষণীয় ৰূপত দেখিবলৈ পোৱা গ’ল । প্ৰিয়ংকাই নেট ড্ৰেছ পিন্ধিছিল আৰু নিকক অল ব্লেক ড্ৰেচত দেখা গৈছিল । এতিয়া এই অনুষ্ঠানৰ বাহিৰেও প্ৰিয়ংকা চোপ্ৰাই স্বামী নিকৰ সৈতে নিজৰ কিছু বিশেষ মূহূৰ্তৰ ছবি ছ'চিয়েল মিডিয়াযোগে শ্বেয়াৰ কৰে ।
- " class="align-text-top noRightClick twitterSection" data="
">
প্ৰিয়ংকা চোপ্ৰাৰ কৃতজ্ঞতা জ্ঞাপন
এই ছবিসমূহ শ্বেয়াৰ কৰি প্ৰিয়ংকা চোপ্ৰাই নিজৰ ইনষ্টাগ্ৰাম একাউণ্টত লিখিছে, ‘নিশা NMACCৰ উন্মোচনী অনুষ্ঠানত মিউজিকেল চিভিলাইজেচন টু নেচনৰ আৰম্ভণি দেখি মই অতিশয় আপ্লুত হৈছিলো, ইয়াৰ বাবে মই গৌৰৱান্বিত, আমাৰ দেশৰ ইতিহাস অতি প্ৰেৰণাদায়ক । কলাৰ প্ৰতি আপোনাৰ অক্লান্ত অৱদান আৰু দায়বদ্ধতাৰ বাবে আপোনাক (নীতা আম্বানী) অতি গৌৰৱান্বিত আৰু মোৰ প্ৰিয় IIISHMAGISHলৈ অভিনন্দন! আপোনাৰ দৰে কোনেও কৰিব নোৱাৰে... সদায় জিলিকি থাকক.. সকলোকে অনুৰোধ কৰিছো যে ইমান অবিশ্বাস্য সাংস্কৃতিক কেন্দ্ৰত অনুষ্ঠানটো চাবলৈ চেষ্টা কৰক ।
উল্লেখ্য যে, শেহতীয়াকৈ প্ৰিয়ংকা চোপ্ৰাই বলীউড সন্দৰ্ভত চাঞ্চল্যকৰ মন্তব্য কৰিছিল ৷ এই মন্তব্যৰ পিচতেই নিজৰ দেশ ভাৰতলৈ আহিছিল প্ৰিয়ংকা । প্ৰিয়ংকাই প্ৰকাশ কৰিছিল যে, বলীউডত ৰাজনীতি কৰাসকলৰ সন্মুখত তেওঁ ভাগৰুৱা হৈ পৰিছিল আৰু সেয়েহে তেওঁ আমেৰিকাৰ পথ বাছি লৈছিল । প্ৰিয়ংকাৰ এই মন্তব্যৰ পাচতেই সমগ্ৰ চলচ্চিত্ৰ জগতত ব্যাপক চাঞ্চল্যৰ সৃষ্টি হৈছিল ।
