নিউজ ডেস্ক, 14 আগষ্ট : ৰাষ্ট্ৰপতি দ্ৰৌপদী মুৰ্মুৱে সোমবাৰে 77 সংখ্যক স্বাধীনতা দিৱসৰ প্ৰাক মুহূৰ্তত দেশবাসীক সম্বোধন কৰে ৷ ৰাষ্ট্ৰপতিৰ এই ভাষণ আকাশবাণীৰ সমগ্ৰ ৰাষ্ট্ৰীয় নেটৱৰ্কত সম্প্ৰচাৰ কৰাৰ লগতে সকলো দূৰদৰ্শন চেনেলত সম্প্ৰচাৰ কৰা হৈছিল ৷
-
LIVE: President Droupadi Murmu's address to the nation on the eve of the 77th Independence Day https://t.co/zSk7DOt38a
— President of India (@rashtrapatibhvn) August 14, 2023 " class="align-text-top noRightClick twitterSection" data="
">LIVE: President Droupadi Murmu's address to the nation on the eve of the 77th Independence Day https://t.co/zSk7DOt38a
— President of India (@rashtrapatibhvn) August 14, 2023LIVE: President Droupadi Murmu's address to the nation on the eve of the 77th Independence Day https://t.co/zSk7DOt38a
— President of India (@rashtrapatibhvn) August 14, 2023
ভাষণত ৰাষ্ট্ৰপতি গৰাকীয়ে কয় যে, ''আমাৰ প্ৰত্যেকৰে বহুতো পৰিচয় আছে – জাতি, ধৰ্ম, ভাষা আৰু অঞ্চলৰ বাহিৰেও আমি আমাৰ পৰিয়াল আৰু বৃত্তিৰ সৈতেও পৰিচয় আছে ৷ কিন্তু এই সকলোৰে ওপৰত আমাৰ এটা পৰিচয় আছে ৷ সেইয়া হ’ল ভাৰতীয় নাগৰিক হিচাবে আমাৰ পৰিচয় ৷ আমাৰ প্ৰত্যেকেই এজন সমান নাগৰিক; আমাৰ প্ৰত্যেকৰে এই দেশত সমান সুযোগ, সমান অধিকাৰ আৰু সমান কৰ্তব্য আছে ৷''
তেওঁ পুনৰ কয় যে, ''ভাৰতে কেৱল বিশ্বৰ মঞ্চত নিজৰ সঠিক স্থান পুনৰ প্ৰাপ্ত কৰাই নহয়, ই আন্তঃৰাষ্ট্ৰীয় শৃংখলাতো নিজৰ স্থিতি বৃদ্ধি কৰিছে ৷ প্ৰবাসী ভাৰতীয় সকলৰ সৈতে মোৰ ভ্ৰমণ আৰু বাৰ্তালাপৰ সময়ত, মই ভাৰতৰ ওপৰত এক নতুন আস্থা লক্ষ্য কৰিছোঁ ৷ ভাৰতে সমগ্ৰ বিশ্বতে উন্নয়নমূলক আৰু মানৱীয় লক্ষ্যৰ প্ৰচাৰত এক গুৰুত্বপূৰ্ণ ভূমিকা পালন কৰি আছে ৷''
''বিশ্ব পৰ্যায়ত মুদ্ৰাস্ফীতি চিন্তাৰ কাৰণ হৈয়েই আছে; কিন্তু ভাৰত চৰকাৰ, আৰ বি আইয়ে ইয়াক নিয়ন্ত্ৰণ কৰিবলৈ সক্ষম হৈছে বুলি ভাষণত উল্লেখ কৰে ৰাষ্ট্ৰপতি গৰাকীয়ে ৷ তেওঁ কয় চৰকাৰে সাধাৰণ জনতাক উচ্চ মুদ্ৰাস্ফীতিৰ পৰা ৰক্ষা কৰাৰ লগতে দৰিদ্ৰ লোকক অধিক নিৰাপত্তাৰ আৱৰণ প্ৰদান কৰাত সফল হৈছে ৷ বিশ্বৰ অৰ্থনৈতিক বিকাশৰ বাবে বিশ্বই ভাৰতৰ ফালে চাই বুলি উল্লেখ কৰে তেওঁ ৷ ''
ভাষণ প্ৰসংগত তেখেতে কয় যে, ''জি-20 সভাপতিত্বৰ সৈতে, ভাৰতে বাণিজ্য আৰু বিত্তৰ ক্ষেত্ৰত সিদ্ধান্ত গ্ৰহণক ন্যায়সঙ্গত প্ৰগতিৰ দিশত ঠেলি দিব পাৰে ৷ বাণিজ্য আৰু বিত্তৰ বাহিৰেও, মানৱ উন্নয়নৰ বিষয়বোৰো কাৰ্যসূচীত আছে ৷ মই নিশ্চিত যে বিশ্বব্যাপী সমস্যাসমূহৰ মোকাবিলাত ভাৰতৰ প্ৰমাণিত নেতৃত্বৰ সৈতে সদস্য-ৰাষ্ট্ৰসমূহে এই দিশবোৰত কাৰ্যকৰী পদক্ষেপ ল'বলৈ সক্ষম হ'ব ৷''
স্বাধীনতা সংগ্ৰামীসকলক সোঁৱৰি তেওঁ কয়, ''মই মোৰ সহ-নাগৰিকসকলৰ সৈতে জ্ঞাত আৰু অজ্ঞাত স্বাধীনতা সংগ্ৰামীসকলক কৃতজ্ঞতাৰে শ্ৰদ্ধাঞ্জলি জ্ঞাপন কৰিছো যাৰ ত্যাগে ভাৰতৰ বাবে ৰাষ্ট্ৰসমূহৰ মাজত ইয়াৰ সঠিক স্থান পুনৰ প্ৰাপ্ত কৰাটো সম্ভৱ কৰি তুলিছে ৷ মাতঙ্গিনী হাজৰা আৰু কনকলতা বৰুৱাৰ দৰে মহান মহিলা স্বাধীনতা সংগ্ৰামীসকলে ভাৰত-মাতাৰ বাবে প্ৰাণ আহুতি দিছিল ৷ মা কস্তুৰবায়ে সত্যাগ্ৰহৰ কঠিন পথত প্ৰতিটো খোজতে ৰাষ্ট্ৰপিতা মহাত্মা গান্ধীৰ সৈতে খোজ মিলাইছিল ৷''
''ভাৰতীয় মহাকাশ গৱেষণা সংস্থাই নতুন উচ্চতা অৰ্জন কৰি আছে আৰু উৎকৃষ্টতাৰ উচ্চ মানদণ্ড স্থাপন কৰি আছে ৷ এই বছৰ, ইছৰোৱে চন্দ্ৰযান-3 উৎক্ষেপণ কৰে আৰু ইয়াৰ লেণ্ডাৰ 'বিক্ৰম' আৰু 'প্ৰজ্ঞান' নামৰ ৰ’ভাৰ কেইদিনমানৰ ভিতৰত চন্দ্ৰত অৱতৰণ কৰাৰ কথা আছে ৷ এইটো আমাৰ সকলোৰে বাবে এক গৌৰৱৰ মুহূৰ্ত হ'ব আৰু মই ইয়াৰ বাবে অপেক্ষা কৰি আছো ৷ কিন্তু চন্দ্ৰলৈ যোৱা অভিযানটো আমাৰ ভৱিষ্যতৰ মহাকাশ কাৰ্যসূচীৰ বাবে কেৱল এটা পদক্ষেপ ৷'' আমি বহুত আগবাঢ়িব লাগিব বুলি উল্লেখ কৰে তেওঁ ৷
''অত্যাধিক বতৰৰ পৰিঘটনাই সকলোকে প্ৰভাৱিত কৰে ৷ কিন্তু ইয়াৰ প্ৰভাৱ দৰিদ্ৰ আৰু প্ৰান্তীয় লোকসকলৰ ওপৰত বহুত বেছি গুৰুতৰ ৷ চহৰ আৰু পাহাৰীয়া অঞ্চলবোৰ বিশেষকৈ অধিক স্থিতিস্থাপক কৰা প্ৰয়োজন ৷ ইয়াত ডাঙৰ কথাটো হ'ল লোভৰ সংস্কৃতিয়ে পৃথিৱীখনক প্ৰকৃতিৰ পৰা আঁতৰাই লৈ যায় ৷ আমি এতিয়া উপলব্ধি কৰিছো যে আমাৰ শিপালৈ ঘূৰি অহাৰ আৱশ্যকতা আছে ৷ মই জানো যে এতিয়াও বহুতো জনজাতীয় সম্প্ৰদায় আছে যি প্ৰকৃতিৰ অতি ওচৰত আৰু ইয়াৰ সৈতে সামঞ্জস্য ৰাখি বাস কৰে ৷ তেওঁলোকৰ মূল্যবোধ আৰু জীৱনশৈলীয়ে জলবায়ু কাৰ্যৰ বাবে অমূল্য শিক্ষা প্ৰদান কৰে ৷''
ৰাষ্ট্ৰপতি গৰাকীয়ে কয় যে, ''আমাৰ দেশখনে নতুন সংকল্পৰ সৈতে 'অমৃত কাল'ত প্ৰৱেশ কৰিছে আৰু আমি 2047 চনৰ ভিতৰত ভাৰতক এক সামগ্ৰিক আৰু উন্নত ৰাষ্ট্ৰ হিচাপে গঢ়ি তোলাৰ দিশত আগবাঢ়িছো ৷ আমি সকলোৱে ব্যক্তিগত আৰু সামূহিক কাৰ্যকলাপৰ সকলো ক্ষেত্ৰত উৎকৃষ্টতাৰ দিশত চেষ্টা কৰাৰ বাবে আমাৰ মৌলিক কৰ্তব্য পালন কৰাৰ প্ৰতিশ্ৰুতি লওঁ যাতে ৰাষ্ট্ৰখন নিৰন্তৰ ভাৱে উচ্চ স্তৰৰ প্ৰচেষ্টা আৰু কৃতিত্বলৈ উন্নীত হয় ৷''
''শিক্ষা হৈছে সামাজিক সবলীকৰণৰ সৰ্ববৃহৎ আহিলা ৷ 2020 চনৰ ৰাষ্ট্ৰীয় শিক্ষা নীতিয়ে পৰিৱৰ্তন আনিবলৈ আৰম্ভ কৰিছে ৷ বিভিন্ন স্তৰৰ ছাত্ৰ-ছাত্ৰীৰ লগতে শিক্ষাবিদসকলৰ সৈতে মোৰ মত বিনিময়ৰ পৰা মই বুজিব পাৰিছো যে শিক্ষণ প্ৰক্ৰিয়াটো অধিক নমনীয় হৈ পৰিছে '' বুলি মন্তব্য কৰে তেওঁ ৷
তেওঁ কয় যে, ''আমাৰ সংবিধান হৈছে আমাৰ পথপ্ৰদৰ্শক দস্তাবেজ ৷ ইয়াৰ প্ৰস্তাৱনাত আমাৰ স্বাধীনতা সংগ্ৰামৰ আদৰ্শ আছে ৷ আহক আমি আমাৰ ৰাষ্ট্ৰ নিৰ্মাতাসকলৰ সপোনবোৰ বাস্তৱায়িত কৰিবলৈ সম্প্ৰীতি আৰু ভাতৃত্ববোধেৰে আগবাঢ়ি যাওঁ ৷''
লগতে পঢ়ক : 77th Independence Day: অসমৰ ২১ গৰাকী আৰক্ষী জোৱানলৈ কেন্দ্ৰীয় চৰকাৰে বিশেষ সন্মান
