নিউজ ডেস্ক, ১৭ জানুৱাৰী : ৰাজস্থানৰ ধলপুৰত সংঘটিত হয় এক চাঞ্চল্যকৰ ঘটনা । দুৰ্বৃত্তৰ এটা দলে পাইপ এডালত অগ্নি সংযোগ কৰা ঘটনাক লৈ অঞ্চলজুৰি তীব্ৰ আতংকৰ সৃষ্টি হৈছে । ঘটনা সন্দৰ্ভত জানিব পৰা মতে, ৰাজস্থানৰ ধলপুৰৰ নিহালগানীত দুৰ্বৃত্তৰ এটা বৃহৎ দলে এগৰাকী মহিলাৰ ঘৰত আচম্বিতে প্ৰৱেশ কৰি নিৰ্বিচাৰভাৱে মাৰ পিট কৰাৰ লগতে ঘৰৰ সামগ্ৰীসমূহ ভাঙি ছিঙি নষ্ট কৰে ৷ ইয়াতে ক্ষান্ত নাথাকি মহিলাগৰাকীৰ বাসগৃহত অগ্নিসংযোগ কৰে দলটোৱে। ফলত সমগ্ৰ এলেকাটো জুইৰ লেলিহান শিখাই আগুৰি ধৰে ।
স্থানীয় ৰাইজে দুস্কৃতিকাৰীৰ দলটোক ধৰিবলৈ চেষ্টা কৰে যদিও ঘটনা সংঘটিত কৰি দুস্কৃতিকাৰীৰ দলটোৱে গুলীবৰ্ষণ কৰি পলায়ন কৰে ।
ইফালে ঘটনাৰ খবৰ লাভ কৰা মাত্ৰকে ৰ্ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে । ধনৰ লেন-দেন সম্পৰ্কীয় ঘটনাৰ বাবে এই ঘটনা সংঘটিত হোৱাৰ কথা আৰক্ষীৰ প্ৰাথমিক তদন্তত পোহৰলৈ আহে । এই ঘটনাৰে জড়িত দুজনক ইতিমধ্যে আৰক্ষীয়ে আটক কৰি সম্পূৰ্ণ তদন্ত অব্যাহত ৰাখিছে ।
লগতে পঢ়ক: তৃণমূল কংগ্ৰেছৰ উপ-সভাপতিৰ দায়িত্ব সাংসদ শতাব্দী ৰয়ক
