নেশ্যনেল ডেস্ক, 1 ছেপ্তেম্বৰ: 18-22 ছেপ্টেম্বৰলৈ চৰকাৰে আহ্বান জনোৱা সংসদৰ বিশেষ অধিৱেশনৰ সময়ত গ্ৰহণ কৰিবলগীয়া তিনিটা দাবী বৃহস্পতিবাৰে AIMIM ৰ সভাপতি আছাদুদ্দিন ওৱেইছিয়ে আগবঢ়ায় । চীনৰ সৈতে সীমান্ত সমস্যা সন্দৰ্ভত অধিৱেশনৰ সময়ত আলোচনাৰ অনুমতি দিব লাগে বুলি উল্লেখ কৰি ন্যায়াধীশ ৰোহিনী আয়োগৰ পৰামৰ্শ কাৰ্যকৰী কৰিবলৈ আহ্বান জনায় ওৱেইছিয়ে ।
ওৱেইছিয়ে কয়, "আমি আৰম্ভণিৰে পৰাই বিশেষ অধিবেশনৰ দাবী জনায় আহিছিলো কাৰণ চীনে ভাৰতৰ 2000 বৰ্গ কিলোমিটাৰ ভূমি বেদখল কৰিছে । চীনে ডেপছাং আৰু ডেমচোকক এৰি দিয়া নাই ৷ যেতিয়া তেওঁলোকে বিশেষ অধিৱেশন আহ্বান কৰে, আমি আশা কৰোঁ প্ৰধানমন্ত্ৰীয়ে চীন সন্দৰ্ভত আলোচনাৰ অনুমতি দিব । দ্বিতীয়তে, ৰোহিনী আয়োগে নিজৰ প্ৰতিবেদন দিছে । গতিকে, আমি দাবী জনাইছো যে মোদী চৰকাৰে বিশেষ অধিবেশন যোগে এখন বিধেয়ক আনিব লাগে যাতে 50% সংৰক্ষণৰ সীমা উলংঘা কৰিব পৰা যায় ।"
ইছৰোৰ বিজ্ঞানী আৰু ভাৰতীয় তাৰকা খেলুৱৈ নীৰজ চোপ্ৰাক সংসদলৈ কৰি আমন্ত্ৰণ সন্মান জনোৱাৰ দাবী উত্থাপন কৰে ওৱেইছিয়ে । বৃহস্পতিবাৰে চৰকাৰে 18-22 ছেপ্টেম্বৰৰ ভিতৰত পাঁচ দিনৰ বাবে সংসদৰ “বিশেষ অধিৱেশন” ঘোষণা কৰিছিল যদিও ইয়াৰ বাবে গ্ৰহণ কৰা কাৰ্যসূচী লুকুৱাইছিল, যাৰ ফলত সৃষ্টি হৈছিল জল্পনা-কল্পনাৰ ।
একাংশ সংবাদ মাধ্যমৰ বাতৰিত লোকসভা আৰু বিধানসভাৰ দৰে প্ৰত্যক্ষভাৱে নিৰ্বাচিত বিধায়িনী দলত একেলগে সাধাৰণ, ৰাজ্যিক আৰু স্থানীয় নিৰ্বাচন আৰু মহিলাৰ বাবে সংৰক্ষণৰ বিধেয়ক প্ৰযোজ্য হোৱাৰ সম্ভাৱনাৰ বিষয়ে জল্পনা-কল্পনা কৰা হৈছিল । অৱশ্যে দুয়োটা সাংবিধানিক সংশোধনী বিধেয়ক আৰু দুয়োটা সদনৰ দুই তৃতীয়াংশ সদস্যৰ সমৰ্থনত গৃহীত কৰিব লাগিব ।
ওৱেইছিয়ে কয়, “চতুৰ্থতে, এক জাতি, এক নিৰ্বাচন সন্দৰ্ভত যি জল্পনা-কল্পনা অব্যাহ আছে সেয়া হ’ব নোৱাৰে । ই ভাৰতৰ সংবিধানৰ বিৰুদ্ধে হ’ব কাৰণ ফেডাৰেলিজম ভাৰতৰ মৌলিক গাঁথনিৰ এটা অংশ । ৰাজ্যসভাত বিজেপিৰ সংখ্যাগৰিষ্ঠতা নাই । লগতে বিৰোধী শাসিত ৰাজ্যৰ কেইবাখনো ৰাজ্যই এই কথা মানি নলয় ।”
সংসদৰ সাধাৰণ তিনিটা অধিৱেশনৰ বাহিৰত শেষবাৰৰ বাবে বৈঠক অনুষ্ঠিত হৈছিল 2017 চনৰ 30 জুন তাৰিখে মাজনিশা, জি এছ টি আৰম্ভ হোৱাৰ উপলক্ষে । অৱশ্যে ই লোকসভা আৰু ৰাজ্যসভাৰ যৌথ অধিৱেশন আছিল আৰু সঠিক অধিৱেশন নাছিল ।
লগতে পঢ়ক: Manipur violence: সেনাৰ তৎপৰতাত কাংপকপিত বিফল হ’ল দুৰ্বৃত্তৰ অগ্নিসংযোগৰ চেষ্টা; ক্ষয়-ক্ষতিৰ পৰা ৰক্ষা
