নেশ্যনেল ডেস্ক, ২৯ মে': প্ৰতিবছৰৰ দৰে এইবাৰো পুনেৰ ৰাষ্ট্ৰীয় প্ৰতিৰক্ষা একাডেমী (এনডিএ)ত পাছিং আউট পেৰেডৰ আয়োজন কৰা হয় । কিন্তু এইবাৰ পেৰেডৰ এক বিশেষ ফটো ভাইৰেল হৈ পৰিছে । ফটোখন হৈছে নৌসেনা প্ৰধান এডমিৰেল কৰমবীৰ সিঙৰ । ফটোত পেৰেডৰ কাৰ্যসূচীত উপস্থিত থাকি শীৰ্ষ বিষয়াগৰাকীয়ে কেডেটসকলৰ সৈতে পুছ-আপ কৰা দেখা গৈছে ।
উল্লেখ্য যে, শুকুৰবাৰে এনডিএত ১৪০ সংখ্যক পাঠ্যক্ৰমৰ পাছিং-আউট পেৰেড পৰ্যালোচনা কৰিবলৈ উপস্থিত হৈছিল সেনা প্ৰধানগৰাকী । নৌসেনা প্ৰধান গৰাকীয়ে কেডেটসকলৰ সৈতে পুছ-আপ কৰা ফটো সামাজিক মাধ্যমত ভাইৰেল হোৱাৰ লগে লগে এতিয়া তীব্ৰ প্ৰতিক্ৰিয়াৰ সৃষ্টি হৈছে ।
এনডিএৰ কমাণ্ডেণ্ট লেফটেনেণ্ট জেনেৰেল অসিত মিস্ত্ৰীয়ে প্ৰতিক্ৰিয়া ব্যক্ত কৰি কয় যে, সেনা প্ৰধানগৰাকীয়ে কেডেটসকলৰ সৈতে পুছ-আপ আৰম্ভ কৰিছিল আৰু তাত সকলোৱে যোগদান কৰিছিল ।
লগতে পঢ়ক:ভাৰত পালেহি তিনিখন ৰাফেল যুদ্ধ বিমান
